A avaliación en Moodle

Os instrumentos e os tipos de avaliación poden variar segundo se trate de ensino a distancia, todo el en soporte dixital (e-learning), ou ensino presencial. Se usamos un curso virtual para complementar o ensino presencial, ou sexa b-learning, poderemos usar os instrumentos de avaliación que facilita Moodle, algún dos cales achega un potencial didáctico moi alto. Vexámolos.

Termómetro. CCO 1.0

Informámonos

A avaliación da SD podemos levala a cabo empregando algunhas das actividades para a avaliación que faclita Moodle.

Que instrumentos de avaliación podo usar nunha SD creada ou xestionada con Moodle?
Que tipos de avaliación facilita un aula virtual?
É posible aplicar rúbricas nos instrumentos de avaliación de Moodle?
Como se pode practicar a autoavaliación e a coavaliación nunha aula virtual?

Nesta tarefa deberemos atopar respostas a estas cuestións.

O Manual de Moodle, versión 2.6 da UPM será o noso principal recurso para coñecer os recursos e actividades que facilita Moodle aos creadores de cursos virtuais. Coas actividades asociadas a cada un dos recursos e a cada unha das actividades aprenderemos a usalos e incorporalos no noso curso virtual.

Que instrumentos de avaliación podemos incorporar a un curso virtual?

A avaliación é un dos temas máis controvertidos na aprendizaxe, especialmente na aprendizaxe por proxectos. Na secuencia didáctica que seguimos hai semanas "Estrutura e didáctica das SD" incorporamos algunha referencia webgráfica sobre a avaliación. Imos ver agora os intrumentos de avaliación que facilita Moodle para os cursos virtuais.

Escolla (consulta) útil para facer unha pregunta ao alumnado, ou para repartir tarefas, crear grupos...
Comentarios (enquisa) para sondear ao alumnado e analizar as sús respostas cómodamente.
Proba (cuestionario) para que o alumnado autoavalíe a súa aprendizaxe mediante probas tipo test de corrección automática.
Paquete SCORM, paquetes de contidos xerados con outras aplicacións diferentes de Moodle, como eXe, que se integran no curso virtual. As preguntas inseridas no paquete SCORM intégranse no curso de Moodle e a súa cualificación aparecerá en "Cualificacións".
Lección, secuencias de páxinas con contidos e preguntas coas que podemos xerar roteiros distintos segundo sexa a resposta á pregunta do final de cada páxina. A súa finalidade pode ser formativa ou tamén para avaliar.
Taller, estupendo instrumento que facilita enormemente practicar a avaliación desde a triple perspectiva: auto, co e heteroavaliación.

Os cursos virtuais creados con Moodle incorporan un sistema para levar o control das cualificacións, no bloque Administración > Culificacións.

Stevepb. Calibrador. CCO 1.0

Para coñecer e poder incorporar estes instrumentos de avaliación nos teus cursos virtuais segue esta secuencia:

Fai aquelas actividades que sexan do teu interese.
Infórmate sobre o instrumento de avaliación consultando o manual de Moodle 2.6 que atoparás máis abaixo.
Observa o seu formulario de configuración. As capturas de pantalla dos formularios de configuración dos recursos e actividades serán de gran axuda para practicalos e saber incorporalos ao teu curso virtual.
Comproba o resultado e aplicación dese instrumento de avaliación na aula virtual, en MetaSecuencias.
Fai a actividade: proba a incorporalo ao teu curso virtual diretamente ou na "Zona de prácticas".

Realiza aquelas actividades que sexan do teu interese. Prescinde daquelas actividades ás que non lle vexas aplicación na túa práctica docente.

A tarefa final consitirá en incorporar instrumentos de avaliación no teu curso virtual, que será o proxecto final deste curso. Engade escollas, probas, leccións, talleres... para avaliar a temática da secuencia didáctica que desenvolvas no curso virtual.

Actividade 1. Escolla

Dominio público

[UPM Moodle 2.6, 149-152]

A "Escolla" (consulta) permite ao profesor realizar unha pregunta aos alumnos, xunto cunha lista de opcións ou respostas, das cales só poden escoller unha.

Actividade 2. Sondear precoñecementos, opinións... e dispoñer da información cos recontos estatísticos e gráficos feitos.

Dominio público

[UPM Moodle 2.6, 153-157]

"Comentarios" (enquisa) permite ao profesorado realizar unha sondaxe de opinión aos alumnos, e analizar as respostas. Pódese configurar para que as respostas sexan anónimas.

Retroalimentación

Formulario de configuración da actividade "Comentarios". Dominio público

A actividade configurada neste formulario amósase así no curso virtual:

Actividade "Comentarios" no curso virtual. Dominio público

Unha vantaxe desta actividade é que se poden analizar as respostas e comentarios inmediatamente, pois as porcentaxes, gráficas... xéranse automáticamente deste xeito:

Representación gráfica dos resultados dunha actividade "Comentarios". Dominio público

"Comentarios" non é un instrumento de avaliación de competencias, contidos... pero si é válido para algúns tipos de avaliación. Por exemplo, a avaliación deste curso polos participantes farase ao rematar con este instrumento para recoller opinións, comentarios, suxerencias...

Configuración da enquisa:

Creación das preguntas dunha actividade "Comentarios". Dominio público

As preguntas dunha enquisa poden exportarse para importalas noutro curso virtual. O proceso é moi sinxelo:

Exportación / Importación das preguntas dunha actividade "Comentarios". Dominio público

Para inserir unha actividade "Comentarios" nun curso virtual:

Abre o teu curso virtual.
Activa a edición en .
Preme en no tema no que queiras engadir a enquisa ou Comentarios.
Elixe "Comentarios" .
Configúraa seguindo os pasos da imaxe.
Garda premendo en .
Preme sobre a ligazón da tarefa para entrar e crear as preguntas. Consulta o manual se é necesario.
Cando remates, garda e comproba o resultado.

Tenta agora importar as preguntas da enquisa feita ao principio deste curso.

Descarga o arquivo ms_comentarios_antes-comezar.zip.
Descomprime o arquivo.
Crea unha activiade "Comentarios" .
Configúraa no seu formulario.
Garda .
Preme na súa ligazón no curso virtual.
Vai a lapela "Modelos".
En "Importa preguntas" selecciona o arquivo descomprimido no paso 2.
Garda .
Comproba o resultado.

Actividade 3. Crear cuestionarios tipo test para avaliar con corrección automática.

Dominio público

"Proba" en [UPM Moodle 2.6, 175-179]

"Banco de preguntas" en [UPM Moodle 2.6, 74-85]

A "Proba" (cuestionario) é unha actividade autoavaliable, na cal, a nota calcúlase automaticamente, serve ao alumno como autoavaliación e o profesor pode usalo para realizar un exame ao alumno. Poden crearse con diferentes tipos de preguntas, xerar probas aleatorias a partir de baterías de preguntas, permitir aos usuarios ter múltiples intentos e consultar todos estes resultados almacenados.

O "Banco de preguntas" utilízase para crear ou editar preguntas que se organizan en categorías para facilitar a súa utilización na materia. Estas preguntas poderanse incluír en calquera "Proba" (cuestionario) do curso. O profesor accede ao banco de preguntas ao crear ou editar unha "Proba" (cuestionario) ou mediante o bloque Administración > Administración do curso > Banco da pregunta. Desde esta ligazón pódese editar preguntas, organizalas en categorías, importalas e exportalas.

Retroalimentación

A creación dunha "Proba" esixe varias operacións:

Crear a actividade "Proba" configurándoa no seu formulario.
Entrar na "Proba" e
- Crear preguntas novas.
- Tomar preguntas do "Banco de preguntas"

Formulario de configuración da "Proba":

Formulario de configuración da actividade "Proba". Dominio público

"Proba" configurada no formulario amosada no curso virtual:

Proba, amosada nun curso virtual. Dominio público

Premer na ligazón da proba e...

Editar unha "Proba". Dominio público

Nesta xanela podemos continuar por "Engadir unha pregunta..." nova ou aleatoria (parte inferior) ou premer en "Mostrar" na parte superior

Engadir preguntas nunha "Proba". Dominio público

Se prememos en "Mostrar" mostrarase esta xanela na que poderemos realizar practicamente todo:

Crear novas preguntas.
Insertar preguntas das categorías do "Banco de preguntas".
Configurar a "Proba":
- Engadir preguntas fixas.
- Engadir preguntas aleatorias.
- Borrar preguntas da "Proba".
- Determinar a orde das preguntas.
- Puntuación de cada pregunta.
- Cualificación máxima da "Proba".

Nesta imaxe aparecen dúas preguntas xa engadida á "Proba", unha delas fixa (pasos a, b, c) e outra aleatoria (pasos 1, 2, 3) ambas tomadas do "Banco de preguntas" da categoría "01_netiqueta (10)". O 10 entre paréntesis indica a cantidade de preguntas que contén esa catgoría.

Engadir preguntas nunha "Proba", Mostrar. Dominio público

Se prememos en "Engadir unha pregunta aleatoria" (no botón debaixo da última pregunta)...

Engadir preguntas nunha "Proba" do Banco de preguntas. Dominio público

Se prememos en "Engadir unha pregunta", mostrarase esta xanela...

Engadir preguntas nunha "Proba", crear novas preguntas. Dominio público

Na seguinte captura aparece o formulario dunha pregunta "Verdadeiro/Falso" para configurala:

Crear / Editar preguntas para unha "Proba", verdadeiro / falso. Dominio público

Cada tipo de pregunta ten o seu propio formulario coas súas peculiaridades: consulta o manual de Moodle 2.6 páxinas 74 á 85 onde se comenta cada tipo de pregunta.

E moi moi recomendable agrupar as preguntas por categorías no "Banco de preguntas", pois iso facilitará crear probas con preguntas aleatorias tomadas de diferentes categorías.

Bloque Administración, Administración da proba

Dominio público

Para inserir unha actividade "Proba" nun curso virtual:

Abre o teu curso virtual.
Activa a edición en .
Preme en no tema no que queiras engadir a "Proba".
Elixe "Proba" .
Configúraa no formulario.
Garda premendo en .
Preme sobre a ligazón da "Proba" no curso para entrar e crear/configurar as preguntas. Consulta o manual se é necesario.
No Bloque "Administración" aparecerán as opcións para a Administración da proba.
Crea preguntas organizándoas en categorías.
Determina as preguntas da "Proba": fixas e/ou aleatorias.
Configura a puntuación das preguntas e a cualificación máxima da proba.
Cando remates, garda e comproba o resultado.

Tenta agora importar as preguntas da proba feita ao principio deste curso sobre Netiqueta, ... para practicar a importación de preguntas dende outros cursos.

Descarga o arquivo preguntas-MetaSecuencias-01_netiqueta-03112014-1329.xml.zip.
Descomprime o arquivo.
Crea unha activiade "Proba" .
Configúraa no seu formulario.
Garda .
Preme na súa ligazón no curso virtual.
Vai a "Administración da proba", no Bloque "Administración".
Selecciona / Crea a categoría para importar nela as preguntas.
Sube o arquivo descomprimido no paso 2.
Garda .
Crea unha "Proba" nova.
Engádelle as preguntas sobre Netiqueta.
Comproba o resultado.

Actividade 4. Importar paquetes de contidos con actividades de avaliación integradas no curso virtual

Dominio público

[UPM Moodle 2.6, 201-205]

Un paquete SCORM (Sharable Content Object Reference Model) é un bloque de material web empaquetado de maneira que segue o estándar SCORM de obxectos de aprendizaxe. Estes paquetes poden incluír páxinas web, gráficos, programas Javascript, presentacións Flash e calquera outro elemento que funcione nun navegador web. O módulo SCORM permite cargar facilmente calquera paquete SCORM estándar e convertelo en parte dun curso.

Moodle non xera contido SCORM, tan só o reproduce e garda os datos xerados pola interacción dos estudantes con el.

Actividade 5. Crear itinerarios de aprendizaxe e avaliación automática

Dominio público

[UPM Moodle 2.6, 180-189]

A "Lección" permite ao profesor crear unha secuencia de páxinas con contido. Ao final de cada páxina pódese incluír unha pregunta, e en función da resposta do alumno, envialo a unha ou outra páxina. Desta forma pódese crear un itinerario condicional con varias ramas.

A "Lección" pode ser utilizada como unha Actividade ou como un Recurso de estudo. Se se reduce o texto de cada páxina a tan só a pregunta, e ao asociar as respostas a saltos ao azar a outras páxinas (preguntas), o que se obtén é unha serie de preguntas enlazadas: un banco de preguntas. Cada vez que o alumno percorra a "Lección" presentaráselle unha serie de preguntas ao azar e obterá unha cualificación, como nun exame. Moodle denomina a este modo de emprego dunha Lección como modo de cartóns (Flash card). Este uso da "Lección" aproxímao a unha "Proba" (Cuestionario). Crear unha "Lección" como un recurso de estudo autoguiado require organizar e planificar previamente o seu contido.

Exemplos de uso:

Contido de aprendizaxe guiada.
Exercicio de repaso.
Xogo de preguntas aleatorias, etc.

Retroalimentación

Creación e configuración dunha Lección:

Formulario de configuración da actividade "Lección"

Configuración da actividade "Lección". Dominio público

O resultado desta configuracíon amósase no curso virtual deste xeito:

Xeito como se amosa unha lección nun curso virtual

Unha lección nun curso virtual. Dominio público

A creación das páxinas desta actividade é latosa e esixe deseñar coidadosamente os saltos dunhas páxinas a outras. Pero o esforzo compénsase cos resultados obtidos: guiar o estudo de acordo coas respostas ou coñecementos que teña o alumno. Neste curso xa experimentaches unha lección.

Vexamos como se crea unha lección básica:

Crear e configurar a lección no formulario.
Premer na súa ligazón no CV e abrirase esta xanela:

Configuración da actividade "Lección" paso primeiro. Dominio público

Premer en "Engadir unha páxina de preguntas"

Configuración da actividade "Lección" paso segundo. Dominio público

Configurar unha pregunta Verdadeiro / Falso. No "Contido da páxina" pódense engadir todo tipo de contidos:

Formulario de configuración dunha pregunta Verdadeiro / Falso. Dominio público

Engadir novas preguntas... e rematar a lección:

Configuración da actividade "Lección": engadir preguntas. Dominio público

A Vista previa da configuración anterior debería ser:

Configuración da actividade "Lección": engadir preguntas, vista previa. Dominio público

Na lección pódense configurar diferentes fluxos ou percorridos segundo os saltos que se coloquen nas respostas de cada páxina.

Para inserir unha actividade "Lección" nun curso virtual:

Abre o teu curso virtual.
Activa a edición en .
Preme en no tema no que queiras engadir a Lección.
Elixe "Lección" .
Configúraa seguindo os pasos da imaxe.
Garda premendo en .
Preme sobre a ligazón da lección para entrar e configúraa. Crea páxinas con contidos e preguntas. Debes crear os roteiros que percorrerá o alumnado en función das respostas dadas ao final das páxinas. Esta tarefa é laboriosa e precisa manexar Moodle con certa soltura. Consulta o manual.

Actividade 6. Practicar a avaliación desde tres perspectivas: auto e coavaliación

Dominio público

[UPM Moodle 2.6, 190-200]

O "Taller" permite ao profesor propor un traballo a realizar polos estudantes de forma individual coa característica de que o traballo dun estudante pode ser avaliado por outros estudantes (coevaluación). A avaliación debe facerse mediante un conxunto de criterios e rúbricas.

No Taller o alumno recibe dúas cualificacións separadas:

Polo seu traballo, proveniente da media das avaliacións que reciba.
Polas súas avaliacións. As avaliacións que realiza o estudante son cualificadas de forma automática en función do resto de cualificacións.

O Taller desenvólvese en fases, cada unha cunhas tarefas determinadas para profesor e estudantes. Estas fases son:

Configuración (profesorado)
Envío dos traballos (alumnado)
Avaliación inter pares e autoavaliación (alumnado)
Revisión das cualificacións feitas polo alumnado (profesorado)
Peche (profesorado). Nesta fase o alumnado verá as súas cualificacións.

Retroalimentación

O Taller é, sen dúbida, a actividade máis complexa de configurar polo que é necesario ter un nivel avanzado no manexo de Moodle.

A creación e configuración dun "taller" pasa por varias fases. A aula virtual encárgase de informarnos sobre os pasos dados e sobre os que faltan. Vexamos a secuencia mediante capturas de pantalla da creación e configuración do primeiro taller realizado en MetaSecuencias.

Formulario de configuración:

Formulario de configuración da actividade "Taller". Dominio público

Unha vez gardado a aula virtual infórmanos da fase na que estamos, dos asuntos resoltos e dos aínda pendentes:

Formulario de configuración da actividade "Taller", fase previa á incorporación da rúbrica..

Configuración da actividade "Taller", fase previa á incorporación da rúbrica. Dominio público

Premer no seguinte paso: "Edit assessment form" e...

Formulario de configuración da actividade "Taller", configuración da rúbrica de avaliación.

Actividade "Taller", configuración da rúbrica de avaliación. Dominio público

Unha vez transcrita a rúbrica no seu formulario de configuración, prememos en "Gardar" e

Configuración da actividade "Taller", vista previa despois de inserir a rúbrica. Dominio público

Fase na que estamos:

Configuración da actividade "Taller", fase previa ao envío do exemplo para a súa avaliación. Dominio público

Prepararemos agora o envío do exemplo que deberá avaliar o alumnado previamente ao envío e autoavaliación do seu traballo. Evidentemente este paso ten por finalidade obrigar ao alumnado a analizar un traballo modelo, similar ao que debe facer.

Formulario de configuración da actividade "Taller", configuración do envío do exemplo para a súa avaliación polo alumnado..

Actividade "Taller", configuración do envío do exemplo para a súa avaliación polo alumnado. Dominio público

A aula virtual amósanos o resultado:

Configuración da actividade "Taller", vista previa despois de inserir arquivo de exemplo. Dominio público

Cómpre facer a avaliación de referencia que se amosará ao alumnado despois de que faga a avaliación do exemplo.

O taller xa ten este aspecto, listo para usarse:

Actividade "Taller", vista previa do taller xa configurtado. Dominio público

O taller xa está practicamente preparado, fáltannos as datas de cada fase, que sinalaremos no formulario de configuración, o primeiro que vimos.

Fases da configuración da actividade "Taller", fase previa á recepción dos traballos.

Configuración da actividade "Taller", fase previa á recepción dos traballos. Dominio público

Actividade 7. Rexistrar automaticamente as cualificacións no cualificador.

Imaxe do Bloque Administración, sinalando Cualificacións.

Dominio público

[UPM Moodle 2.6, 63-69]

Moodle mostra no Libro de cualificacións as puntuacións obtidas nas tarefas do curso. Accédese: Bloque "Administración" > "Administración do curso" > "Cualificacións" . Seguindo estes pasos o usuario estudante visualizará o seu "Libro de cualificacións". A persoa creadora do curso deberá configurar o "Cualificador" deste xeito...

Retroalimentación

O "Libro de cualificacións" presenta este aspecto:

Imaxe do Libro de cualificación dun estudante. Dominio público

Para configurar o cualificador é imprescindible ter claro de antemán o peso que terán cada unha das actividades, cada un dos temas ou categorías do cualificador e a forma de obter a cualificación total do curso. As explicacións e capturas de pantalla seguintes refírense á versión 2.6 de Moodle.

Para poder configuralo accedemos ao curso con perfil "Profesor" ou "Administrador".

Prememos no Bloque "Administración" > "Cualificacións" e ábrese...

Captura de pantalla coa configuración do cualificador: Menú despregable, vista simple.

Configuración do cualificador: Menú despregable, vista simple. Dominio público

Amosarase a seguinte xanela, na que configuramos o "Cualificador". Nesta imaxe aparece a configuración feita para este curso de MetaSecuencias:

Captura de pantalla coa configuración do cualificador: Vista simple.

Dominio público

Crear tantas categorías como temas ten o curso.
Seleccionamos os elementos dunha categoría.
Moverémolos á súa categoría.
Determinamos o modo de cálculo de cada categoría: media aritmética, media ponderada... o que proceda segundo as nosas intencións.
Establecemos o peso ou ponderación de cada elemento dentro da súa categoría. Exprésase en porcentaxes.
Establecemos o peso ou ponderación de cada categoría no total do curso.
Gardamos.
Prememos na icona para configurar o modo de cálculo do Total do curso. No exemplo da imaxe físoxe manualmente, definindo a fómula de cálculo deste xeito:

Captura de pantalla coa configuración do cualificador: fórmula manual de cálculo. Dominio público

Creamos unha ID para cada elemento do cálculo, é dicir, para cada categoría. Esta pode ser numérica, textual ou combinación de ambos. Escribímolas nos recadros e..
Gardámolas. Amosaranse de xeito similar ás da imaxe.
Redactamos a fórmula de cálculo. Pódese consultar a axuda para coñecer a sintaxis. Neste caso a fórmula é unha suma dos totais das categorías, é dicir: =sum([[net]]; [[pi]]; [[sd]]; [[exe]]; [[md]]; [[pf]]).
Gardamos modificacións, co cal regresamos á pantalla anterior.
Gardamos os cambios.
Regresamos á páxina principal do curso usando a barra de navegación da parte superior

Para configurar o cualificador do teu curso virtual:

Abre o teu curso virtual.
Configura o teu cualificador seguindo a secuencia de pasos das imaxes.

Tarefa: Engadir instrumentos de avaliación ao proxecto final.

A primeira tarefa desta SD consistiu en crear un curso virtual con Moodle 2.6 e configuralo.

Na segunda tarefa comezamos a engadir os recursos de Moodle para incorporar contidos ao curso virtual.

Na terceira tarefa aprendimos a engadir actividades ao curso virtual: foros, glosarios, wikis...

E na cuarta tarefa, imos engadir aqueles mecanismos e instrumentos de avaliación de Moodle válidos para avaliar a nosa SD: escollas, probas, leccións, talleres...

Imaxe derivada de Nemo Engrenaxes CCO 1.0 por @agustincs CCO 1.0

Que mecanismos de avaliación é obrigatorio engadir no proxecto final?. Pois aqueles que ti queiras, aquí presentámosche diferentes posibilidades, elixe e practica agora aqueles que podan interesarche, aqueles que sospeitas se adaptan ás túas necesidades... para aprender a aplicalos e resolver agora, durante o curso, as dúbidas e problemas que xurdan.

Estas son as especificacións que debe cumprir a tarefa

Retroalimentación

Continuamos coa creación do curso virtual con estrutura de SD. Agora engadillémoslle instrumentos ou mecanismos de avaliación. Evidentemente non é o mesmo deseñar a avaliación do ensino presencial, do ensino b-learning ou o ensino a distancia e-learning, como este curso. No curso virtual inseriremos aqueles instrumentos que complementen a avaliación feita por medios non dixitais, tales como "Probas" e/ou "Leccións" para que se autoavalíen ou "Talleres" para practicar a avaliación dende unha triple perspectiva.

No esquema da estrutura de MetaSecuencias indicamos entre corchetes as actividades empregadas para a avaliación en cada caso:

Cabeceira do Curso
- Imaxe e descrición do curso [Etiqueta, creada automáticamente por Moodle]
Temo 0
- Novas e anuncios [Foro de noticias, creado automáticamente por Moodle]
- Foro de dúbidas [Foro]
- Comezar cun elemento motivador cara ao tema do curso [Páxina]
- Presentar / explicar o proxecto final que se desenvolverá ao longo dese CV [Páxina]
- Recursos comúns a todo o CV ou Mediateca [Libro]
- Zona de descargas [Cartafol]
- Caderno de aula [Wiki]
- Glosario compartido [Glosario]
Estrutura dos temas: máis ou menos común a tódolos temas que compoñen o curso
- Comentar os obxectivos, contidos, actividades, tarefa dese tema no Libro de ruta [LIbro]
- Análise dos coñecementos previos [Comentarios]
- Recursos específicos dese tema: informacións, ligazóns... [Paquete IMS] [Libro...]
- Actividades:
  Tarefa dese tema cara o proxecto final [Tarefa] [Wiki] [Base de datos]
  - Presentadas dentro dos IMS [Paquete IMS]
  - Actividades de Moodle [Tarefa] [Foro] [Base de datos] [Wiki] [Lección] etc... segundo proceda
- Avaliación da tarefa [Tarefa] [Proba] [Lección] [Taller]
Proxecto final:
- Especificacións que debe cumprir [Páxina] [Ficheiro]
- Criterios de avaliación, [Páxina]
- Avaliación do proxecto final [Taller]
- Avaliación do curso [Comentarios]
Guía didáctica: [Paquete IMS]
Licenza do CV [Etiqueta] [Páxina]
- Presentación dos apartados do CV e modo de avaliación do curso
- Cadro coas competencias, obxectivos, contidos, actividades, tarefas, avaliación
- Contidos dos currícula abordados no CV
- Criterios de avaliación
- Temporalización
- Recursos complementarios.

Mantemento do curso
- [Páxina] [Libro] [URL] ...

Zona de prácticas

Esta é unha, non a única evidentemente, estrutura dun curso virtual, a que aplicamos os autores de MetaSecuencias. Pensamos que pode orientar, a título de exemplo, o teu traballo para crear o curso do teu proxecto final.

Nesta tarefa pedímosche que deseñes e plasmes, nos temas do curso e cos recursos e actividades que lles engadas, a estrutura que lle queiras dar ao teu proxecto final. Non estamos a pedir que reproduzas un curso necesariamente coa mesma estrutura que MetaSecuencias, aplicando o esquema anterior. Estrutura o teu curso dacordo coas túas necesidades, pedímosche unicamente:

Que sexa unha secuencia didáctica no sentido de organizar os contidos marcando o camiño que percorrerá o alumnado.
Que incorpore recursos e actividades de diferentes tipos, os adecuados á temática do curso.
Que incorpore unha guía coas competencias, obxectivos, contidos, actividades, tarefas, avaliación... da SD.
Que respecte a propiedade intelectual e os dereitos de autor referenciando adecuadamente os ODEs inseridos.

A tarefa é individual e avaliarémola máis adiante con esta rúbrica dende unha triple perspectiva: Auto, co e heteroavaliación nun taller na aula virtual. Polo de agora podes aplicala para autoavaliar o teu traballo.

Rúbrica de avaliación. Dominio público

Webgrafía

Manual de Moodle 2.6:


Calameo	PDF

Universidad Politécnica de Madrid, “Moodle 2.6 para el profesor” [En liña]. Dispoñible: http://es.calameo.com/read/003486102bcf1abae21eb. [Consulta: 26-outubro-2014] .

Universidad Politécnica de Madrid, “Moodle 2.6 para el profesor.” [En liña]. Dispoñible: http://serviciosgate.upm.es/docs/moodle/manual_moodle_2.6.pdf. [Consulta: 26-outubro-2014].

Esta é a versión de Moodle que está a implementarse nos centros de Galicia. Neste curso remitiremos a este manual para aprender, consultar dúbidas... sobre Moodle. Cun lector de códigos QR accédese ao manual en Calameo ou en PDF, na web da Universidade Politécnica de Madrid, para consultarlo en liña en formato pdf ou para descargarlo. Premendo co rato nos códigos QR ábrense os manuais nunha lapela ou ventá nova no navegador. Para afondar no coñecemento de Moodle podes consultar o seguinte manual:

LmFormación, “Manual de moodle 2.6 módulo 5 Revisión y calificaciones en Moodle” [En liña]. Dispoñible: http://es.slideshare.net/eLMformacion/manual-de-moodle-26-mdulo-5-revisin-y-calificaciones-en-moodle. [Consulta: 25-novembro-2014].

Descarga este módulo en pdf 4 de 5

Manual de Moodle 1.9

Lara Fullerat, J. M., “Moodle. Manual de referencia para el profesorado (versión 1.9)” [En liña]. Dispoñible: http://es.calameo.com/read/0003626767d105d827316. [Consulta: 26-outubro-2014].

Manual da versión 1.9, aínda presente nalgúns centros educativos de Galicia.

Para consultar o manual da UPM en liña, pulsa "Mostrar retroacción"

creative commons: recoñecemento - compartir igual 4.0

« Anterior | Seguinte »