Avaliación do proxecto: CV para SD

As actividades e tarefas desta secuencia permitíronnos coñecer os cursos virtuais e crear un curso guiándonos pola estrutura de secuencia didáctica creada por nós. Xa temos a tarefa feita: estruturar un curso como secuencia didáctica. Chegou o momento de rematala, entregala... e avaliala.

OpenClips. Lista de control. Dominio público

O meu CV con estrutura de SD

Diciamos ao principio desta secuencia que iamos coñecer e practicar as opcións de Moodle para crear cursos virtuais, as súas propiedades, os seus recursos e actividades para engadir contidos e crear un curso virtual coa estrutura do noso modelo de secuencia didáctica. Do mesmo xeito que creamos unha maqueta para crear SD con eXe, creamos un curso virtual con estrutura de SD.

Os obxectivos desta SD concrétanse no proxecto final consistente en trasladar a un curso virtual creado con Moodle a estrutura de secuencia didáctica deseñada por cada un.
Creamos e configuremos un curso virtual.
Incorporemos recursos de Moodle ao proxecto final, útis para transmitir información de todo tipo.
Importamos ao curso virtual paquetes de contido IMS xerados con eXeLearning.
Insertamos actividades de Moodle para engadir interactividade á nosa SD.
Coñecemos os instrumentos de avaliación e incorporamos algúns ao proxecto final.

En resumo, como resultado final temos que ter un curso virtual con estrutura de secuencia didáctica. Poderemos gardar ese curso para usalo como plantilla e crear outros cursos, enchéndoo de contidos.

Presentámosche, a título de exemplo, unha pantilla coa que creamos este curso en Moodle: plantilla_curso_moodle.mbz que se queres podes restaurar e utilizar para crear o teu curso virtual ou ben partir de cero, como ti prefiras.

Especificacións do proxecto final

As especificacións deste proxecto final xa as coñeces, pois vimos traballando nelas dende o principio desta secuencia didáctica, no entanto, enunciámolas outra vez.

Retroalimentación

O curso virtual creado debe ter estrutura de SD. Suxerímosche a continuación UN esquema, o que ten este curso de MetaSecuencias, simplemente como exemplo, non porque o teu teña que ter esta estrutura. Se estimas que che vai ser útil, emprégao con total liberdade. Indicamos entre corchetes as actividades empregadas en cada caso:

Cabeceira do Curso
- Imaxe e descrición do curso [Etiqueta, creada automáticamente por Moodle]
Temo 0
- Novas e anuncios [Foro de noticias, creado automáticamente por Moodle]
- Foro de dúbidas [Foro]
- Comezar cun elemento motivador cara ao tema do curso [Páxina]
- Presentar / explicar o proxecto final que se desenvolverá ao longo dese CV [Páxina]
- Recursos comúns a todo o CV ou Mediateca [Libro]
- Zona de descargas [Cartafol]
- Caderno de aula [Wiki]
- Glosario compartido [Glosario]

Estrutura dos temas: máis ou menos común a todos os temas que compoñen o curso.
- Comentar os obxectivos, contidos, actividades, tarefa dese tema no Libro de ruta [LIbro]
- Análise dos coñecementos previos [Comentarios]
- Recursos específicos dese tema: informacións, ligazóns... [Paquete IMS] [Libro]
- Actividades:
  Tarefa dese tema cara o proxecto final [Tarefa] [Wiki] [Base de datos]
  - Presentadas dentro dos IMS [Paquete IMS]
  - Actividades de Moodle [Tarefa] [Foro] [Base de datos] [Wiki] [Lección] etc... segundo proceda
- Avaliación da tarefa [Tarefa] [Proba] [Lección] [Taller]

Proxecto final:
- Especificacións que debe cumprir [Páxina] [Ficheiro]
- Criterios de avaliación, [Páxina]
- Avaliación do proxecto final [Taller]
- Avaliación do curso [Comentarios]

Guía didáctica: [Paquete IMS]
- Presentación dos apartados do CV e modo de avaliación do curso
- Cadro coas competencias, obxectivos, contidos, actividades, tarefas, avaliación
- Contidos dos currícula abordados no CV
- Criterios de avaliación
- Temporalización
- Recursos complementarios.

Licenza do CV [Etiqueta] [Páxina]

Mantemento do curso Zona de prácticas
- [Páxina] [Libro] [URL] ...

Insistimos que esta é unha estrutura dun curso virtual, non a única evidentemente, a que aplicamos os autores de MetaSecuencias. Pensamos que pode orientar, a título de exemplo, o teu traballo para crear o curso do teu proxecto final.

Nesta tarefan final ou proxecto desta secuencia didáctica pedímosche que nun curso virtual deseñes e plasmes a estrutura que lle queiras dar ao teu proxecto final. Estrutura o teu curso dacordo coas túas necesidades, pedímosche unicamente:

Que configures o curso virtual destinado ao teu proxecto final.
Que sexa unha secuencia didáctica no sentido de organizar os contidos marcando o camiño que percorrerá o alumnado.
Que incorpore recursos e actividades de diferentes tipos, os adecuados á temática do curso.
Que incorpore unha guía didácica coas competencias, obxectivos, contidos, actividades, tarefas, avaliación... da SD.
Que sexa accesible aos participantes de MetaSecuencias, para facilitar o aprendizaxe inter pares.
Que respecte a propiedade intelectual e os dereitos de autor referenciando adecuadamente os ODEs inseridos.

Os proxectos de cada un serán avaliados nun "Taller", como xa fixemos en anteriores ocasións. A tarefa consiste en subir ao Taller a ligazón ao teu curso virtual (e a súa contrasinal se a ten) e a continuación avaliarémolo dende tres tres ángulos...

... o propio, autoavaliación.
... o dos compañeiros e compañeiras, avaliación inter pares.
... e o do titor ou titora do curso, heteroavaliación.

Cómpre estar moi atentos aos prazos do taller de avaliación, no só da entrega e autoavaliación do traballo propio, senón tamén da coavaliación dos cursos das compañeiras e compañeiros, de aportarlles o noso punto de vista e a nosa opinión coa finalidade de melloralo.

A avaliación farémola dacordo con esta rúbrica.

Imaxe da rúbrica de avaliación. Dominio público

creative commons: recoñecemento - compartir igual 4.0

« Anterior | Seguinte »