Adaptación exames-Alumnado Oficial

No artigo 11.6 do Decreto 81/2018, do 19 de xullo (DOG do 13 de agosto) , recóllese o seguinte: “No caso do alumnado con diversidade funcional, o deseño, a administración e a avaliación das probas para a obtención dos certificados terán que basearse nos principios de igualdade de oportunidades, non discriminación e compensación de desvantaxes. Os procedementos de avaliación conterán as medidas que resulten necesarias para a súa adaptación ás necesidades especiais deste alumnado”.

Para dar cumprimento a este artigo, o alumnado que se matricule na modalidade oficial e precise unha adaptación para os exames debe facer unha solicitude de adaptación de probas cubrindo e achegando o anexo V coa documentación de matrícula. Pódese descargar o anexo V nesta ligazón.

A EOI de Lugo poñerá esta circunstancia en coñecemento dos equipos de orientación específicos dependentes do departamento territorial respectivo para que se determinen as adaptacións pertinentes, tendo en conta as medidas recollidas no anexo IV que se poden consultar nesta ligazón