Puntuación das probas

Nivel A2

• A puntuación máxima será de 100 puntos. 
• As probas constarán de catro partes (comprensión de textos orais; produción, coprodución e mediación oral; comprensión de textos escritos; e produción, coprodución e mediación escrita), e cada parte terá un valor de 25 puntos.
• Para superar a proba, o alumnado terá que acadar, polo menos, 15 puntos en cada unha das catro partes. 
• O alumnado da modalidade libre (a excepción do alumnado CALC e CUALE) só ten dereito a presentarse á unha proba, coincide coa convocatoria ordinaria.  
• O alumnado CALC e CUALE que non acade o mínimo de 15 puntos en cada parte, deberá examinarse daquelas nas que non obtivese 15 puntos na convocatoria extraordinaria.

Niveis B1, B2, C1 e C2 (C2 só para alumnado oficial, Calc e Cuale)

• A puntuación máxima será de 125 puntos. 
• As probas constarán de cinco partes e cada parte terá un valor de 25 puntos.
  • CTO: comprensión de textos orais; 
  • CTE: comprensión de textos escritos; 
  • PCTO: produción e coprodución de textos orais; 
  • PCTE: produción e coprodución de textos escritos; e 
  • Mediación
• Para promocionar de curso, o alumnado terá que acadar, polo menos, 12,5 puntos en cada unha das partes, e unha puntuación mínima do 65% do total da proba (é dicir 81,25 puntos sobre 125).
• O alumnado da modalidade libre (a excepción do alumnado CALC e CUALE) só ten dereito a presentarse á unha proba, coincide coa convocatoria ordinaria.  
• O alumnado CALC e CUALE que non acade o mínimo do 65% na convocatoria ordinaria, poderá examinarse na convocatoria extraordinaria daquelas partes nas que non obtivera 12,5 puntos, e tamén daquelas outras nas que non acadase a puntuación mínima do 65% (16,25 puntos sobre 25). Neste caso, se a cualificación obtida na convocatoria ordinaria é superior á que se obteña na extraordinaria, manterase a cualificación máis alta para o cálculo da nota final.