A acreditación de competencias é un proceso polo que a persoa candidata adquire unha acreditación oficial de competencias profesionais adquiridas pola experiencia laboral ou vías non formais de formación, previa avaliación das mesmas.
Este proceso permite acreditar unidades de competencia que forman parte dun Título de Formación Profesional ou dun Certificado de Profesionalidade.
Finalizado o procedemento, a comisión de avaliación indicará a formación complementaria que o participante ten que cursar, se desexa continuar a súa formación para obter o Título de Formación Profesional ou o Certificado de Profesionalidade.
