No meu centro conseguimos, hai 5 anos, elaborar un Proxecto Lector debatido, meditado e consensuado en Secundaria que agora hai que revisar; mentres en Primaria, nesta etapa clave, non pasamos de hilvanar ideas e queda todo por facer.
Centrándonos en Secundaria, temos logros e deficiencias:
- Os plans dos Departamentos recollen algunhas prácticas lectoras, pero nada que teña que ver co manexo da información ou coa escrita. Aínda que sabemos si se fan actividades interesantes nestes eidos: microrrelatos de Ciencias, cómics en Plástica, talleres literarios, traballos audiovisuais... ou participan en “El país de los Estudiantes”.
- Temos un “momento de ler” diario en Secundaria (20 minutos de lectura libre e silenciosa) tan asumido e estable, que nos “sorprende que sorprenda” aos recén chegados ao centro.
- Fallamos na labor de marketing e non resulta fácil chegar a todo o claustro; sobre todo a aqueles que consideran que reflectilo nas programacións resulta só unha obriga legal.
- Resulta moi estendida a práctica de pregunta-resposta nas lecturas, que se interpreta erroneamente como prácticas de comprensión.
- Escasa sistematización nas actividades de educación documental.
- Nula implicación das familias.
Uffff. Canto traballo nos espera.