Valorar o que se está traballando e funciona para dar ese "salto" a algo máis.
E... como implicar a quen sente todo isto como alleo?
O "convencer", saber "vender" a importancia do Proxecto Lector é clave. Ás veces é cuestión de moito tempo... Importante algo que saíu na última sesión: partir do que xa estamos facendo, non dar a sensación de que se está empezando a facer algo distinto e novidoso.
Por que non preguntándolles que están a facer? E non como un cuestionamento ao seu labor profesional, senón como unha fase primeira da construción dun Proxecto Lector: Temos que establecer un punto de partida no que xa estamos a facer. Valoremos o que facemos e propoñámonos melloras.
Este parece unha boa estratexia para conseguir:
- Un punto de partida consistente (para poder construír algo xuntos/as)
- Un punto de partida consensuado (para conseguir implicar a todos/as)
Que opinas? Que opinades?
Eu, passada pola experiência do equipo directivo sou um pouco brutalhona: há gente que se nega com qualquer estratégia de marqueting e café e pastas que usemos, a fazer o seu trabalho (porque aplicar o projeto leitor na sua aula, entre outras cousas, faz parte do trabalho); para estas pessoas a única maneira que existe é a obriga. Nom há mais. Penso que também é uma realidade que temos que aceitar.
Eu o que aprendim foi a utilizar os espaços da obriga para trabalhar estes assuntos: CCP e Claustro, no meu caso. Coloco o tema que considere necessário trabalhar na ordem do dia e levo preparada uma dinámica ou actividade para fazer (algo que "obrigue" a participar a todas as presentes). Assim ninguém pode escaquear-se de escuitar e falar e aportar.
Em alguns casos foi a maneira de ganhar pessoas, porque voluntariamente, nunca participariam em nada porém, ao ser "obrigadas" a reflexionar, escuitar, acabam por ver-lhe o sentido a certas propostas.
[também é verdade que há uns tempos em que me sinto mais animada a tentar e tentar (em todos os sentidos da palavra) e outras nas que dou por impossível o assunto e admito a derrota]. Neste curso, por exemplo, com o tema programaçons-LOMCE anda o mar mui picado.
Pois efectivamente, claro que sí. Malia que sabemos que a mellor maneira é o convencemento, o contaxio, o proselitismo, pois en ocasións é moi de agradecer o compromiso de quen ten esa responsabilidade: os equipos directivos, por exemplo.
E ben que se nota cando se asume o compromiso! E ben que se nota cando non...