Aula Nova - 25/26

Iniciación a Inkscape

Inkscape é unha aplicación de deseño gráfico vectorial libre e de código aberto, que permite crear ilustracións, diagramas, logotipos e materiais gráficos de alta calidade adaptables a calquera formato. O traballo con vectores posibilita unha edición precisa, escalable e profesional, resultando especialmente útil no ámbito educativo para a creación de materiais propios e personalizados.

Este curso de iniciación está orientado ao profesorado de distintos niveis educativos que desexe incorporar o deseño vectorial ás súas prácticas docentes, tanto na elaboración de recursos visuais como na preparación de arquivos para equipos de fabricación dixital dispoñibles nos centros (plotter de corte, corte láser, impresoras de pequeno formato, etc.).

O enfoque da actividade será fundamentalmente práctico, combinando explicacións guiadas coa realización de exercicios que permitan comprender o funcionamento da ferramenta e os principios do deseño vectorial. A metodoloxía fomenta unha aprendizaxe activa e autónoma, favorecendo que cada participante poida adaptar os coñecementos adquiridos ao seu contexto e necesidades educativas.

Ao remate do curso, o profesorado terá adquirido unha base para continuar explorando as posibilidades de Inkscape como ferramenta creativa e didáctica, abrindo novas vías para integrar o deseño e a fabricación dixital na aula.