O uso do proxector no chan permite unha estimulación visual a través de imaxes, cores, formas e movementos proxectados. Desta maneira, estímulanse a percepción visual, a memoria visual, a orientación no espazo, ...

Usámolos para transformar contidos estáticos (diapositivas, fichas, imaxes) en experiencias máis inmersivas, onde o alumnado observa, manipula e comenta en grupo o que ve.

En modo “proxector de chan”, deseñamos actividades nas que o alumnado pisa, se move ou sinala elementos da proxección, favorecendo aprendizaxes ligadas á motricidade, á percepción espacial e á colaboración.

Podemos integrar programación con Scratch: o alumnado crea proxectos e logo “xoga” con eles no chan, simulando un contorno táctil no que se activa, explora ou percorre o que previamente programou.

A visualización dos contidos pode realizarse de dúas maneiras que permiten reproducir información de forma sinxela e adaptarse ás necesidades de cada sesión:

1. Directamente desde un Pen-Drive introducido no proxector.
2. Conexión dun ordenador a través de cable HDMI ou VGA. 

Para o uso do Pen-Drive, é importante comprobar previamente que a súa capacidade non supere os 32 GB, xa que este é o límite recomendado para garantir un correcto funcionamento do dispositivo.

1. Antes a iniciar a proxección, convén verificar tamén que os arquivos están gardados nun formato compatible e que a conexión entre os equipos se realizou correctamente.
2. A hora de buscar a fonte no proxector, podes facer uso do mando a distancia ou dende os propios botóns incorporados no proxector.
3. Para que no salte o modo salvapantallas do proxector, pulsa no botón de conxelación da imaxe (Freeze).