O noso instituto vén de renovar a súa imaxe corporativa co deseño dun novo logotipo.
Téntase poñer en valor os elementos arquitectónicos característicos do noso centro e foi escollido polo persoal docente e non docente entre as propostas elaboradas polo Departamento de artes plásticas e enriquecidas coas suxestións do resto do persoal.
O 12 de maio o alumnado de 2º Bacharelato foi informado pola Xefatura de estudos do centro de todas as xestións que ten que realizar unha vez obtida a titulación de Bacharelato.
Esta información será de aplicación tanto na convocatoria ordinaria ou na extraordinaria. Tamén se lles informousobre o procedemento para matricularse nas probas PAU (ordinarias ou extraordinarias).
Este venres 8 de maio Alfonso Rueda presidiu en Santiago de Compostela o acto de entrega dos premios extraordinarios da ESO, Bacharelato, FP e Ensinanzas artísticas 2024-2025:
Rapazada de 2º C e 4º PDC deron a mellor nota e conseguiron gañar o premio á mellor faixa e mellor música!!
O alumnado de 4º ESO visitou o pasado xoves, 30 de abril, o Pazo de Meirás, no veciño concello de Sada. Grazas ás expertas explicacións do noso compañeiro, o historiador Manuel Pérez Lorenzo, gran estudoso do pazo, puidemos coñecer este destacado espazo patrimonial, residencia da gran escritora Emilia Pardo Bazán, e de memoria, sé estival de Franco e centro neurálxico de moitas decisións cruciais e da represión levadas a cabo pola ditadura franquista.
Galería de imaxes: Visita ao Pazo de Meirás
O 26 de abril o alumnado de Oratoria de 4º ESO participou nas actividades organizadas polo Concello de Oleiros para celebrar o Día do Libro cunha representación teatral.
Nela deron vida e voz a dous poemas senlleiros de Rosalía de Castro. Cun cheo total na zona habilitada no Parque José Martí e baixo a dirección da profesora Eli Ríos, a función transitou entre o humor e o drama para traer ao presente dúas obras da literatura universal e mostrar o talento e a implicación da nosa xuventude. Noraboa a todas e todos!
O xoves 23 de abril o alumnado de 1º e 2º de Bacharelato puido celebrar o Día do Libro cun invitado de excepción: Arturo Lezcano. O xornalista e escritor falounos da súa recente obra "O país invisible", gran éxito de crítica e ventas, que achega unha imaxe particular, amena e ricamente documentada sobre a diáspora galega en América entre mediados do século XIX e mediados do XX. Moitísimas grazas a Arturo polas súas sabias verbas e pola invitación a reflexionar sobre a realidade actual desde as experiencias do pasado.
Durante o mes de xaneiro e marzo desenvolveuse unha actividade de Iniciación á Escalada dirixida ao alumnado de 3º e 4º da ESO
A actividade foi organizada polo Departamento de Educación Física e contou coa colaboración do “Club de Montañeros Independientes” (AMI), encargado de impartir as sesións no pavillón de Riazor.
3° ESO asistindo aos " Fogóns poéticos " na biblioteca Rialeda, ofertados polo Concello de Oleiros coa colaboración do Departamento de Língua Galega.
© Xunta de Galicia. Información mantida e publicada na Internet polo centro educativo
Mapa do sitio - Contacto co centro - Accesibilidade - Aviso Legal
