O 12 de maio o alumnado de 2º Bacharelato foi informado pola Xefatura de estudos do centro de todas as xestións que ten que realizar unha vez obtida a titulación de Bacharelato.
Esta información será de aplicación tanto na convocatoria ordinaria ou na extraordinaria. Tamén se lles informousobre o procedemento para matricularse nas probas PAU (ordinarias ou extraordinarias).
Toda a información transmitida, así como prazos, documentación necesaria, protocolo e lugar das PAU, etc., está recollida no seguinte documento, que se lle repartiu en papel ao alumnado: DOCUMENTO.
Asemade, publícanse a continuación outros documentos importantes, que tamén se lles repartiron na citada reunión:
- Impreso de prematrícula nas PAU.
- Impreso para o pago das taxas de matrícula nas PAU.
De acordo co calendario de final de curso, que xa se publicou no seu momento na páxina web e que recollemos de novo neste enlace, a partir do día 14 comeza o prazo de revisión e reclamación ás notas finais: CALENDARIO.
Por último, lémbrase que o día 13 de maio, ás 18:30 h., terá lugar a entrega dos boletíns de cualificacións de avaliación ordinaria no centro por parte das persoas titoras de 2º Bacharelato.
