Todo o alumnado que fixo reserva de praza en 1º de ESO para o curso 2026/2027 procedente do CEIP Plurilíngüe A Pedra, foi admitido. 

As listaxes están expostas no taboleiro de anuncios da Secretaría do centro.

A Orde do 7 de xaneiro de 2026 convoca axudas para a realización de actividades de formación en linguas estranxeiras. O prazo para realizar a solicitude remata  o 3 de marzo de 2026 incluido.

Destinatarios: Alumnado de centros educativos sostidos con fondos públicos, matriculado no curso 2025/2026 no réxime xeral de 1º e 2º de Bacharelato.

Requisitos: 

• Estar cursando 1º ou 2º de Bacharelato durante o curso 2025/26.
• Non ter concedida outra axuda para o mesmo fin neste curso nin estar incursa/o nalgunha prohibición para a subvención.
• Ter superadas todas as áreas ou materias no curso 2024/25.
• Nota mínima na materia de lingua estranxeira que se vai perfeccionar na estadía de Ben ou 6 no curso 2024/25.
• Ter DNI ou NIE en vigor. Dispoñer de pasaporte e documentación que permita viaxar ao estranxeiro.

Realizar a solicitude en AxudasLe.

Cartel informativo AxudasLe 2026.

Guía para presentar a solicitude. Anexo I.

Na Resolución do 5 de febreiro de 2026, da Dirección Xeral de Ordenación e Innovación Educativa, dítanse instrucións para a acreditación da competencia dixital do alumnado que cursa, en réxime ordinario, ensinanzas de educación secundaria obrigatoria e bacharelato no curso 2025/26.

Os niveis de competencias dixitais que se acreditan a través dos procedementos regulados nesta resolución son: iniciación e intermedio.

Estes niveis correspóndense cos niveis de aptitude do Marco galego de competencias dixitais recollidos no documento Bases para o desenvolvemento do Marco galego de competencias dixitais.

 A acreditación da competencia dixital do alumnado poderá realizarse a través das seguintes modalidades:

a) Por obter o título de graduada ou graduado en educación secundaria obrigatoria no curso 2025/26.

b) Por obter o título de bacharel no curso 2025/26 e superar unha proba específica de acreditación da área de dominio 4 de nivel intermedio.

Acreditación do alumnado de educación secundaria obrigatoria

1. O alumnado que obteña o título de graduada ou graduado en educación secundaria obrigatoria recibirá o certificado que acredite o nivel de iniciación.

2. Esta certificación será emitida de oficio conforme aos procedementos establecidos no Marco galego de competencias dixitais e no Rexistro de certificacións en competencias dixitais.

3. A acreditación do alumnado terá unha validez de cinco anos a partir da data da proposta de título da alumna ou o alumno.

Acreditación do alumnado de bacharelato

1. A obtención do título de bacharel acredita que a alumna ou o alumno ten os coñecementos, habilidades e actitudes das áreas de dominio 1, 2, 3 e 5 do nivel intermedio descritas no Marco galego de competencias dixitais.

2. O alumnado matriculado en 2º de bacharelato poderá presentarse a unha proba específica co obxectivo de acreditar os coñecementos, habilidades e actitudes propias da área de dominio 4 do nivel intermedio descritas no Marco galego de competencias dixitais. 

3. No caso de que unha alumna ou un alumno obteña o título de bacharel e ademais supere a proba específica da área de dominio 4 do nivel intermedio, recibirá a certificación ComDix que acredita o nivel intermedio.

4. O alumnado que titule sen superar a proba específica e o alumnado que non titule e supere a proba específica poderá solicitar no centro docente un documento que acredite os coñecementos, habilidades e actitudes das áreas de dominio de competencia dixital de nivel intermedio superadas. Para estes efectos poderase empregar o modelo de solicitude recollido no Anexo I da Resolucion.

5. O alumnado recibirá os documentos de acreditación a traves da aplicación Abalar.

6. O documento de acreditación terá unha validez de cinco anos a partir da data da proposta de título da alumna ou o alumno ou da realización da proba específica.

Requisitos do alumnado para participar na proba específica da área de dominio 4 do nivel intermedio

O alumnado que desexe participar na probas específica deberá cumprir o seguinte requisito:

Estar matriculado en 2º de Bacharelato para presentarse á proba específica que acredita a área de dominio 4 de competencias dixitais de nivel intermedio.

Solicitude e inscrición nas probas específicas

1. O alumnado de 2º de Bacharelato que desexe realizar a proba específica solicitará a súa inscrición empregando o modelo establecido no anexo IV da Resolución.

2. O alumnado menor de idade contará coa autorización das persoas proxenitoras ou das persoas titoras legais para poder inscribirse na realización da proba.

3. Os centros docentes deberán inscribir o alumnado que participará na proba con data límite 20 de febreiro, ás 23:59 horas.

Aplicación da proba específica

1. A proba realizarase ao longo do mes de marzo de 2026.

2. A proba realizaranse no centro docente con alumnado inscrito o día e no horario que se estableza segundo o número de alumnado interesado e a dispoñibilidade de equipos informáticos do centro.

3. A convocatoria de cada proba específica será única.

Información sobre a proba específica

A proba específica para acreditar a área de dominio 4, Seguridade e privacidade, axustarase á definición de dita área no nivel Intermedio no Marco galego de competencias dixitais.

A alumna ou o alumno debe responder nun tempo máximo de 20 minutos un total de 12 preguntas de diferente complexidade e tipoloxía.

A proba específica da área de dominio 4 do nivel intermedio considerarase superada ao responder correctamente ao 60% das preguntas (8 preguntas).

Demo da proba de acreditación.

Recurso educativo aberto (REA) sobre os contidos da área 4.

A Orde do 21 de outubro de 2022 desenvolve o Decreto 13/2022 e regula o procedemento de admisión do alumnado nos centros docentes sostidos co fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato. Esta orde establece o seguinte calendario de reserva e admisión:

• Do 15 de xaneiro ao 4 de febreiro: prazo de solicitude de reserva para o alumnado que finaliza etapa nun centro adscrito e pasa a outro (centro adscrito ao IES Johan Carballeira: CEIP Plurilingüe A Pedra)

• 23 de febreiro: publicación da listaxe de alumnado con posto reservado.

• Antes do 1 de marzo: sorteo público para os efectos de desempate. Anuncio do sorteo para o curso 2026/2027. Resultado do sorteo.

• Antes do 1 de marzo: publicación dos postos escolares vacantes. Postos escolares vacantes 2026/2027.

• Do 1 ao 20 de marzo: prazo de solicitude de admisión para o alumnado que se incorpora por vez primeira ao sistema educativo galego ou para os que cambian de centro de maneira voluntaria.

• Dez días hábiles a partir do día seguinte ao remate do prazo de solicitude de admisión: presentación da documentación acreditativa para o baremo, sempre que o número de solicitudes presentadas sexa superior ó número de postos escolares vacantes (ata o 7 de abril)

• 27 de abril: publicación da listaxe provisional de admitidos e non admitidos. 

• Cinco días hábiles a partir do día seguinte á data de publicación da listaxe provisional: reclamacións contra listaxes provisionais.

• 15 de maio: publicación da listaxe definitiva de admitidos e non admitidos..

• Do 23 de xuño ao 7 de xullo: unha vez admitido, prazo de formalización da matrícula.

• Cando o último día do prazo non sexa lectivo, prorrogarase automaticamente ata o día lectivo inmediato seguinte.

Centros adscritos: CEIP A Pedra

Áreas de influencia: ESO: Parroquia de San Martiño, Bacharelato: Concello de Bueu.

Áreas limítrofes: ESO: Beluso e Cela, Bacharelato: Concellos de Cangas, Marín e Moaña.

Servizos complementarios que ofrece o centro: Transporte escolar.

Mapa de zonas educativas

A admisión e a matriculación nun centro docente público implican respectar o Proxecto Educativo do mesmo, das normas de organización, funcionamento e convivencia e a concreción curricular do centro, entre outras. Convén a lectura econsulta desta documentación.

INFORMACIÓN A TER EN CONTA

• O alumnado que xa cursa estudos no centro ten garantida a permanencia. 

• Todo o alumnado poderá presentar solicitude de admisión, pedindo ata seis centros por orde de preferencia, e alegar os criterios de admisión que pretenda que se lle valoren. Esta solicitude de admisión dirixirase ao centro solicitado en primeiro lugar. Unha vez presentada unha solicitude, para renunciar a ela deberá facerse expresamente indicándoo no recadro correspondente da nova solicitude a presentar.

• O alumnado que teña prioridade para continuar estudos nun centro de adscrición pode exercer o seu dereito á reserva de praza presentando solicitude de reserva no centro adscrito (no que está matriculado nese momento), e identificará o centro de adscrición que solicita.

• En todo caso, a solicitude de reserva ou de admisión é única para cada alumno/a e ten carácter vinculante. A súa presentación implica que son certos os datos indicados nela. A existencia dunha solicitude de admisión presentada en prazo sen renunciar expresamente á anterior e, así mesmo, a existencia dunha solicitude de admisión sen ter renunciado á praza reservada a 28 de febreiro (este incluído) poderán ser causa de perda do dereito a participar no procedemento nos termos previstos no artigo 8 da Orde que o regula.

Presentación da solicitude de admisión:

Para presentar a solicitude de admisión poderase seguir algunha das seguintes opcións:

1. Cubrir a solicitude en AdmisionAlumnado e presentala asinada presencialmente no centro.

2. Cubrir a solicitude e asinala na Sede Electrónica. Procedemento ED550B.

3. Cubrir a solicitude manualmente e presentala asinada presencialmente no centro. Solicitude.

Documentación a presentar coa solicitude:

• Copia do DNI da persoa solicitante e dos membros computables da unidade familiar cando denegue a consulta.

• Copia do libro de familia ou documento equivalente onde figure o/a alumno/a e os demais membros computables da unidade familiar.

• En caso de separación dos pais: sentenza xudicial ou convenio regulador onde conste a custodia do menor.

Importante: todas as solicitudes terán que asinalas os dous proxenitores, agás no caso no que a patria potestade estea atribuída exclusivamente a un deles.

Na aplicación AdmisionAlumnado, poderase consultar:

• O cronograma coas datas dos trámites principais do procedemento de reserva, admisión ordinaria e matrícula.

• A previsión de postos escolares dispoñibles e as súas modificacións.

• A relación do alumnado de cada curso, co número da solicitude de admisión asignado pola aplicación AdmisionAlumnado no momento da súa gravación.

• O estado da tramitación da súa solicitude utilizando o número de solicitude e o número de DNI da persoa solicitante.

• A lista do alumnado co posto reservado e a listaxe provisional e definitiva do alumnado admitido coa puntuación total e do alumnado non admitido, empregando calquera dos mecanismos de identificación admitidos pola sede electrónica da Xunta de Galicia, incluíndo o certificado dixital e a Chave365.

Listaxe definitiva

Presentación familias 2026 de Noelamosa

O venres 9 de xaneiro o alumnado de 1º de Bacharelato de Bioloxía visitou a Escola e levaron a cabo dous obradoiros: recoñecemento de minerais e combustión.