Anuncios e novidades do curso

Atendendo a solicitude do grupo de preparación da proba extraordinaria da materia Hª de España mudamos a sesión programada para a 3ª e a 4ª sesión do luns 1 de xuño para o mércores 3 nese mesmo horario.

Si alguén non pode asistir á sesión solicitada para o mércores estarei ao seu dispor no horario preestablecido do luns.

I.                   Acordos acadados na sesión presencial do luns 18 de maio de 2026:

1º. Realizar unha sesión presencial semanal para repaso e resolución de preguntas e dúbidas concretas do alumnado que debe superar a proba traordinaria de Hª de España. Dita sesión será os luns dende as 11:40 ata que as persoas asistentes decidan dala por rematada dada a dispoñibilidade do profesor nese tramo horario.

2º. Asimesmo, o docente atenderá as dúbidas concretas deste alumnado dentro do horario de garda de profesorado. Exclúense, inicialmente, as sesións destinadas a preparación das probas da PAU na convocatoria ordinaria.

3º. O alumnado creará un grupo de mensaxería para acordar calquera modificación destas sesións que solicitará previamente ao profesor encargado da materia, sendo este quen autorice ou non dito cambio en función do seu horario docente e plan de traballo no centro.

4º. A estrutura da proba seguirá, no básico, o tipo de preguntas establecidas para a proba da PAU polo G.T. da CIUGA.  Porén, o alumnado asistente a esta sesión do 18 de maio e o profesor encargado da materia consensuaron a seguinte estrutura concreta desa proba extraordinaria:

1ª pregunta: ata 2 puntos por detección de erros (ata 0,5 ptos.), explicación argumentada dos mesmos (ata 1 pto) e elaboración dun texto correcto (ata 0,5 ptos). 

2ª pregunta: ata 3 puntos por desenvolver correctamente unha comparación dos temas establecidos no 2º bloque da listaxe publicada polo G.I. desta materia para as probas da PAU. Esta pregunta poderá incluir un documento para utilizar o seu contido como exemplo relevante na argumentación requerida ao alumnado que realice esta proba.

3ª. pregunta: ata 5 puntos por desenvolver correctamente un comentario de documentos (textual, gráficas e táboas de datos, mapas ou outro tipo de imaxes) respostando correctamente ás cuestións específicamente requeridas.

II.                Acordos acadados na sesión presencial do luns 25 de maio de 2026:

O alumnado asistente solicitou mudar a sesión de repaso do vindeiro luns 1 de xuño para o martes ou o mércores. O profesor aceptou a solicitude sempre e cando:

a) A consensuen entre todas as persoas do grupo de traballo a través da canle de comunicación que estableceron a tal efecto.

b) O comuniquen previamente mediante mensaxe electrónica ao enderezo corporativo do docente.