Luns, 09 de xuño de 2025: Que é unha pirámide de poboación. Elaboración dunha. Se non da tempo a rematala na clase, debedes facela na casa e traela o xoves. Hoxe faremos os exames pendentes do trimestre (aquel alumnado que faltou ao exame de América)

Xoves, 12 de xuño de 2025: Como se analizan os datos demográficos? Práctica. Debedes traer a calculadora.

Venres, 13 de xuño de 2025: Segunda práctica de análise dos datos demográficos. Lembrade traer de novo a calculadora.

Luns, 16 de xuño de 2025: Examen práctico de datos demográficos. Debedes traer a fotocopia das fórmulas e a calculadora. HOXE DEBEDES ENTREGAR AS LIBRETAS DE TODO O CURSO. Devolveréivolas mañá para os que precisen estudar para a recuperación.

Xoves, 19 de xuño de 2025: EXAME DE RECUPERACIÓN DAS AVALIACIÓNS SUSPENSAS, LOGO DAS RECUPERACIÓNS.

Venres, 20 de xuño de 2025: SAÍDA "Etapa do Camiño de Santiago Oia-Baiona" e o resto da xornada na praia (levade cartos para un xeado, se queredes)

Luns, 02 de xuño de 2025: Lembrade que hoxe a clase é na Biblioteca. Imos traballar a cultura durante o Antigo Réxime. Farémolo en pequenos grupos e poderedes empregar ordenadores e libros da biblioteca para facelos.

Xoves, 05 de xuño de 2025: Dedicaremos a sesión de hoxe a analizar como era a Galicia do Antigo Réxime, a través dos pazos.

Venres, 06 de xuño de 2025: Hora cedida ao profesor de música para o concerto do recreo.

Luns, 26 de maio de 2025: Remataremos a análise do texto da "Familia de Jacques Bénard" no Antigo Réxime. Lembrade traer calculadora.

Xoves, 29 de maio de 2025: Elaboraremos unha gráfica coa evolución da poboación dende 1300 a 1700 para os diversos países europeos. Lembrade traer unha regla e cores.

Venres, 30 de maio de 2025: Hoxe localizaremos no mapa da Europa do ano 1700 os países citados na gráfica de poboación do día pasado.

Luns, 19 de maio de 2025: Hoxe realizaremos, do bloque de Antigo Réxime, as actividades dos sistemas políticos (1ª folla). Explicaremos a sociedade, para comezar hoxe o traballo deste apartado. Debedes entregalos ao final da clase

Xoves, 22 de maio de 2025: Dedicaremos a sesión a traballar a sociedade do Antigo Réxime. Lembrade traer: unha regla de 30 cm, rotuladores ou bolígrafos de cores e unha calculadora (sinxela). Debedes entregalos ao final da clase.

Venres, 23 de maio de 2025: Remataremos as tarefas de sociedade.

Se algún destes días non asisto a clase, debedes substituír o que está programado polas actividades de Arte e Cultura Barroca. Para iso precisaredes os vosos libros de texto e os libros que están no moble do final da clase. Podedes empregar os libros de 2º e 4º ESO para buscar. Debedes localizar o tema de Antigo Réxime (en 4º debe ser o primeiro).

Luns, 12 de maio de 2025: Lendo a fotocopia entregada a semana pasada, sobre a Dinastía dos Austrias, debedes realizar, por parellas, o test sobre esta dinastía en España. Ao final da clase debedes entregalo. NON podedes levalos para casa.

Xoves, 15 de maio de 2025: Debedes rematar o test de onte. Será repartido de novo na hora de clase. Entregado o bloque de fotocopias sobre Antigo Réxime, que traballaremos a próxima semana.

Venres, 16 de maio de 2025: Explicaremos que se coñece por Antigo Réxime e as características dos sistemas políticos. Debedes tomar apuntamentos, que complementen a información das fotocopias.

Luns, 05 de maio de 2025: Que é o Comercio Triangular? Fotocopia para a explicación. Tamén entregarei unha fotocopia sobre os monarcas, da Dinastía dos Austrias, en España para traballar na aula.

Xoves, 08 de maio de 2025: Tras finalizar a Semana das Probas de Diagnóstico, logo de adialas polo apagón, traballaremos para preparar o Serán das Letras Galegas.

Venres, 09 de  maio de 2025: Preparación do Serán.

Luns, 28 de abril de 2025: Hoxe comezan as Probas de Diagnósito, mais nós teremos clase. Faremos unha práctica deste tipo de probas. Aínda que é a primeira vez que se fai en Galicia, buscamos probas que poderían ser similares e practicaremos nesta hora. APAGÓN. SUSPENSIÓN DALGUNHA PROBA DE DIAGNÓSTICO.

Mércores, 30 de abril de 2025: Proba de Diagnóstico de Xeografía e Historia (Salón de Actos do IES)

Xoves, 01 de maio de 2025: Festivo Nacional. Día do Traballo.

Venres, 02 de maio de 2025: Día de libre disposición do IES Auga da Laxe.

Luns, 21 de abril de 2025: Luns de Pascua. Día non lectivo.

Xoves, 24 de abril de 2025: Faremos unha práctica sobre os contidos do exame de mañá.

Venres, 25 de abril de 2025: EXAME CULTURAS PRECOLOMBINAS E GRANDES NAVEGACIÓNS. Contido: Fotocopia das culturas precolombinas entregada; exercicios realizados e corrixidos na clase sobre as culturas precolombinas; actividade de Magallanes; conto "Y llegué a Baiona"/contidos traballados na visita a Baiona.

SEMANA SANTA

Felices vacacións

SEMANA DOS XOGOS TRADICIONAIS e DA FROITA E O LEITO NO RECREO.

Luns, 07 de abril de 2025: Lembrade que tedes un exercicio para traer feito. Remataremos todas as tarefas de América e analizaremos as características das tres grandes culturas precolombinas (tedes a teoría fotocopiada, non a esquezades na casa)

Xoves, 10 de abril de 2025: Visita ao Museo da Navegación e á réplica da carabela Pinta. Percorrido polo casco histórico de Baiona e a muralla.

Venres, 11 de abril de 2025: Hoxe veremos a ocupación de América polos europeos e remataremos o tema que entra no próximo exame. Lembrade que hoxe, nas 3 últimas horas da mañá son os obradoiros.

Deséxovos unhas felices vacacións de Semana Santa. Lede moito e disfrutade das amizades e da familia nestes días de descanso. Vémonos á volta. A profe Montse

O alumnado de 2º ESO B terá o exame de América o venres 25.

No exame entran todos os apuntamentos e exercicios que temos na libreta da 3ª Avaliación e que estamos a traballar estes días.

Calquera dúbida a resolveremos na clase.

Comezamos a semana co cambio de hora. Empezamos as clases cun pouco menos de luz e sairemos de día.

Luns, 31 de marzo de 2025: Completaremos e corrixiremos o resto das tarefas de América. Revisaremos a teoría. Se non podemos rematar hoxe, o faremos o xoves. Debedes levar para casa a autorización da "Saída a Baiona" do xoves, 10 de abril. Mellor traelas asinadas esta semana.

Xoves, 03 de abril de 2025: Veremos o que é importante estudar do Tema 5 que é o que estamos a traballos. Traede o voso libro.

Venres, 04 de abril de 2025: Imos traballar como se construiu a Idade Moderna. As súas características máis importantes. Deste tema faremos un exame e un traballo que vos indicarei a próxima semana. 

Non esquezades traer o libro de texto e, se aínda non o entregáchedes, traer a autorización para a saída a Santiago.

CHEGOU A PRIMAVERA!!

Luns, 24 de marzo de 2025: Explicareivos como se fai a tarefa de Magallanes e continuaremos corrixindo as tarefas de América da semana pasada. O alumnado, coa materia non aprobada na segunda avaliación, levará o traballo de recuperación. Deberedes entregalo antes do 11 de abril de 2025.

Xoves, 27 de marzo de 2025: Hoxe lembrade que non estou (ando de viaxe co alumnado de Historia da Arte de Bacharelato). Debedes rematar a tarefa de Magallanes e os exercicios de América. Debedes entregarlos á profe Vero ao rematar a clase.

Venres, 28 de marzo de 2025: Remataremos de corrixir as tarefas de América destas dúas semanas.

MAÑÁ SERÁ VISIBLE UN ECLIPSE SOLAR, SE O TEMPO ACOMPAÑA.

Luns, 17 de marzo de 2025: Devolución de libretas e tarefas recollidas; ensinar os exames e as notas medias do trimestre. Mentres vós remataredes unhas fichas da segunda avaliación que están incompletas: os textos dos gremios e as cidades da Baixa Idade Media. Lembrade traer o  mapa das culturas precolombinas que comezamos o venres.

Xoves, 20 de marzo de 2025: Hoxe substituirame Vero, a PT. Debedes facer as fichas de América, sobre os pobos precolombinos. Ao final da clase debedes entregarllos. Se non vides a clase, debedes facelas na casa.

Venres, 21 de marzo de 2025: Corrixiremos as fichas que fixéchedes onte mais as das cidades e gremios do luns. Veremos as características das culturas precolombinas e a importancia da viaxe de Magallanes e Juan Sebastián Elcano ao redor do mundo

Luns, 10 de marzo de 2025: Exame do paso da Idade Media á Idade Moderna. Os que xa o fixeron, traballarán a ficha da Chegada de Colón a América. Non vos esquezades das LIBRETAS de todo o curso. Lembrareivos que exames tedes pendentes de facer.

Xoves, 13 de marzo de 2025: Hoxe faremos os exames pendientes do trimestre, aqueles alumnos e alumnas que faltaron nalgún deles (non vos esquezades da xustificación de faltas). Os demais rematarán a tarefa anterior (algunha estaba incompleta) ou farán a seguinte, tamén das culturas americanas.

Venres, 14 de marzo de 2025: Remataremos as características do cambio da Idade Media á Idade Moderna. Analizaremos as características  das culturas precolombinas.

Luns, 03 de marzo de 2025: Entroido (Non Lectivo)

Xoves, 06 de marzo de 2025: Repasaremos o contido do exame. Non esquezades estudar durante o Entroido. 

Venres, 07 de marzo de 2025: Exame tema "O paso da Idade Media á Idade Moderna" (Hai unha entrada, un pouco máis abaixo, con toda a información).

IMPORTANTE: Non esquezade que o luns, 10 de marzo, hai que entregar a libreta (1ª e 2ª avaliación + Celebracións)

Luns, 24 de febreiro de 2025: Veremos as características xerais da Idade Moderna.

Xoves, 27 de febreiro de 2025: Analizaremos a chegada de Colón a América. Ata aquí entra no próximo exame. O contido está nunha entrada anterior neste foro.

Venres, 28 de febreiro de 2025: Celebración do ENTROIDO. Se chove teremos clase normal. De non chover, sairemos co desfile por Gondomar.

IMPORTANTE: No esquezades que o luns, 10 de marzo, hai que entregar a libreta da 1ª e 2ª avaliación + celebracións.

Boa tarde a todas e todos!

Tal como acordamos na clase, estas son as datas que debedes ter presentes nas próximas semanas na materia de Xeografía e Historia.

ENTREGA LIBRETAS (1ª e 2ª Avaliación): Luns, 10 de marzo de 2025.

EXAME: O paso da Idade Media a Idade Moderna. Venres, 07 de marzo de 2025.

1.- Debedes estudar a ficha de apuntamentos que entregamos en clase e que acompaña esta entrada.

2.- O texto "Y llegué a Baiona" + os seus exercicios. Información sobre a chegada de Colón a América.

Luns, 17 de febreiro de 2025: Seguimos tendo pendente corrixir as tarefas das cidades. De hoxe non pasa. Lembrade levalas todos. Se nos da tempo veremos os exames da semana pasada e recollerei as LIÑAS DO TEMPO do alumnado co que falei. Que é a IDADE MODERNA e o ANTIGO RÉXIME? Non esquezades traer os libros de texto. 

Xoves, 20 de febreiro de 2025: HORA DE LER. A chegada de Colón a América e a importancia de Baiona "a Real" nese feito histórico (Festa da Arribada). Leremos o conto de Avelino Sierra "Y llegué a Baiona" e faremos as tarefas.

Venres, 21 de febreiro de 2025: Remataremos a tarefa de onte. Avances na navegación, na ciencia e na cultura que permitíronos coñecer ás grandes culturas de África, Asia e América.

Luns, 10 de febreiro de 2024: Remataremos as actividades de arte gótica e veremos as características da arte hispanomusulmana.

Xoves, 13 de febreiro de 2024: Reparasaremos o contido do exame (faremos práctica na sesión de clase (oralmente)

Venres, 14 de febreiro de 2024: Exame no Salón de Actos. 

Contido do exame:

1.- Fotocopia características arte románico.

2.- Páxina 84 do libro (Arte gótica)

3.- Liña do tempo: Debedes identificar de que estilo son as obras de arte (hispanomusulmanas, románicas ou góticas). Debedes saber as fases históricas e as cronoloxías das fases mais non as datas das obras de arte.

Estrutura do exame:

1.- Láminas para identificar que obras son (as que puxemos na liña do tempo)

2.- Láminas para completar cos nomes axeitados, tal como fixemos na clase.

3- Un test sobre a teoría da arte e as fichas que vos mandei elaborar e que debiades ter entregado a semana pasada.

Luns, 03 de febreiro de 2025: Remataremos a arte románica e comezaremos a análise das características da arte gótica. Non esquezades traer as liñas do tempo de arte para entregar.

Xoves, 06 de febreiro de 2025: Remataremos a arte gótica e faremos unha pequena tarefa sobre arte hispanomusulmana.

Venres 07 de febreiro de 2025: Analizaremos as causas do paso da Idade Media á Idade Moderna. Principais acontecementos e principais características.

Luns, 27 de xaneiro de 2025: Hoxe remataremos a liña do tempo (completar todos os datos, pegar as imaxes e identificar as obras de arte). Asemade, debedes facer as fichas dos monumentos, tal como se explica na fotocopia entregada. 

Hoxe faremos os exames pendentes de FEUDALISMO, as recuperacións da PRIMEIRA AVALIACIÓN (Orais e escritas), e o exame da pendente de 1º ESO (3ª entrega)

Xoves, 30 de xaneiro de 2025: Quedáranos sen corrixir as fichas das cidades. Imos facelo hoxe. O resto da clase será para rematar a tarefa da liña do tempo que comezamos a semana pasada. Ao final da sesión de clase debedes entregar o traballo.

ENTREGA DO TRABALLO DA ARTE ÁRABE E CRISTIÁ (Liña do tempo e fichas de traballo)

Venres, 31 de xaneiro de 2025: Entregareivos unha fotocopia sobre arte románica. Traballaremos as súas características e faremos os exercicios.

Luns, 20 de xaneiro de 2025: Non esquezades traer regla, pegamento, tesoiras, todas as fotocopias que estamos a traballar e a liña de tempo. Debedes traer as 4 liñas pasadas a tinta e cos anos escritos nas catro. Lembrade que comezamos no ano 600 e remata no 1500.

Xoves, 23 de xaneiro de 2025: Hoxe remataremos a liña do tempo. Para o alumnado coa primeira avaliación suspensa, hoxe será o exame de recuperación. (adiada por faltar algún alumno/a)

Venres, 24 de xanerio de 2025: Por grupos, na biblioteca, elaboraremos a segunda parte do traballo. Buscaremos información sobre as obras da arte hispanomusulmana e realizaredes as fichas, segundo o documento xa entregado. Hoxe será o exame de recuperación da pendente de 1º ESO. (adiada por faltar algún alumno/a)

Luns, 13 de xaneiro de 2024: Exame do tema de Feudalismo no SALÓN DE ACTOS.

Xoves, 16 de xaneiro de 2024: Al-Andalus e os Reinos Cristiáns. O Reto da Convivencia. A chegada dos árabes á Península Ibérica.

Venres, 17 de xaneiro de 2024: Elaboración dunha liña do tempo sobre a convivencia de árabes, xudeos e cristiáns na Península Ibérica durante a Idade Media. Precisamos unha folla A3, unha regla de 30 cm., rotuladores de cores e o libro de texto.

FELIZ 2025!!

Luns, 06 de xaneiro de 2025: FESTIVO. DÍA DE REIS. Que sexan moi xenerosos con todos e cada un de vós.

Xoves, 09 de xaneiro de 2025: Repasaremos o visto antes do Nadal sobre Feudalismo e a Alta e Baixa Idade Media e corrixiremos as tarefas realizadas o último día de clase (non as esquezades na casa).

Venres, 10 de xaneiro de 2025: Faremos unha liña do tempo no que situaremos os principais acontecementos que definen a Idade Media. Precisades unha regla, lapis, goma e cores. Non esquezades o material.

CONTIDOS PARA O EXAME DA PRÓXIMA SEMANA (luns, 13 de xaneiro toda a clase e 10 de xaneiro para Roi): Apuntamentos Alta e Baixa Idade Media,  Feudalismo (fotocopias e os explicados no taboleiro da clase) + todas as tarefas realizadas na clase. Non entra nada do libro.

Luns, 16 de decembro de 2024: Debedes entregar o calendario das tarefas do campesiño ao longo dun ano. Explicaremos que é o FEUDALISMO (apuntamentos entregados en fotocopias).

Xoves, 19 de decembro de 2024: Faremos en parellas ou pequenos grupos as fichas entregadas, a semana pasada, sobre a vida nas cidades da Idade Media.

Venres, 20 de decembro de 2024: CELEBRACIÓN DO NADAL. Boas festas!!

Luns, 09 de decembro de 2024: A ALTA IDADE MEDIA. Que é o feudalismo? Feudo nobiliario/Feudo eclesiástico. Reserva e manso. Señorío xurisdiccional e señorío territorial. Tarefa: Facer o calendario agrícola medieval (rematar en casa para o xoves se non da tempo na clase).

Xoves, 12 de decembro de 2024: A BAIXA IDADE MEDIA. O rexurdir das cidades (principais características. Iniciaremos as dúas fichas sobre as características deste período.

Venres, 13 de decembro de 2024: Remataremos as fichas da baixa Idade Media. O xoves 19 poderiamos facer unha proba do contido traballado nestes días ou se preferides o deixamos para a volta do Nadal (o falamos na clase).

Luns, 02 de decembro de 2024: Exame, tipo test, dos vikingos. (CONTIDOS: vídeo, 2 fichas traballadas na aula)

Xoves, 05 de decembro de 2024: Que é o FEUDALISMO? Principais características. Que é un FEUDO?

Venres, 06 de decembro de 2024: FESTIVO NACIONAL. DÍA DA CONSTITUCIÓN ESPAÑOLA.

Luns, 25 de novembro de 2024: Remataremos a ficha dos Vikingos e o vídeo de Academia Play.

Martes, 26 de novembro de 2024: SAÍDA A SANTIAGO (EXPOSICIÓN DOS VIKINGOS). Sairemos ás 9:30 e voltaremos ao IES ás 18:00 horas. Debedes levar calzado para andar, comida, 

Xoves, 28 de novembro de 2024: ENTREGA DE LIBRETAS DO 1º TRIMESTRE. Remataremos as actividades dos vikingos (actividades resumo - fotocopias); vídeo Academia Play; apuntamentos exposición Santiago. Se nos dá tempo debedes facer a redacción de "Un monxe no ano 999".

Venres, 29 de novembro de 2024: 2º PARTE DO TALLER DE ORIENTACIÓN. Devolución libretas trimestre

IMPORTANTE: Lembrade que o luns 02 de decembro é o último exame do trimestre. O tema é OS VIKINGOS (Exposición e materia traballada na clase: vídeo, explicacións e ficha).

Luns, 18 de novembro de 2024: Non esquezades traer as autorizacións e os cartos para a saída a Santiago. Lembrade que somos moitos e que aceptaremos entregas ata encher o autobús.

Hoxe comezaremos un novo bloque AS SOCIEDADES FEUDAIS (Tema 2 do libro). Quen son os vikingos ou normandos? (Tema da nosa visita a Santiago)

Xoves, 21 de novembro de 2024: Os reinos que xurdiron na Europa da Alta Idade Media. As Institucións.

Venres, 22 de novembro de 2024: Que é o FEUDALISMO? Características principais. Faremos unha actividade sobre as obrigas dos traballadores dun feudo durante a Idade Media.

Luns, 11 de novembro de 2024 (San Martiño): Remataremos de debuxar os símbolos das relixións monoteístas (xudaísmo, cristianismo e islamismo)

Xoves, 14 de novembro de 2024: Exame test das tres relixións monoteístas que conviviron na Península Ibérica durante a Idade Media.

Venres, 15 de novembro de 2024: Hora cedida a orientación para unha actividade formativa. Desenvolverase na aula 8.

Luns, 04 de novembro de 2024: Día de libre disposición do centro.

Xoves, 07 de novembro de 2024: Lembrade que debedes entregar os caligramas. Hoxe imos traballar as tres grandes relixións monoteístas do mundo e que van ter unha forte presencia na Historia da Idade Media na Península Ibérica.

Venres, 08 de novembro de 2024: Remataremos a táboa das relixións e revisaremos os exames do tema 1.

Luns, 28 de outubro de 2024: Devolver libretas recollidas o venres. Visita Exposición Liño (adiada por falta de tempo do guía. Pasarémola para o mércores, na hora de matemáticas). Comezaremos o tema de Al-Andalus. Dramatizaremos un texto sobre "As dúas visións da chegada dos árabes á Península". Para a próxima semana debedes realizar DOUS CALIGRAMAS.

Xoves, 31 de outubro de 2024: DÍA DO ENSINO.

Venres, 01 de novembro de 2024: DÍA DE TODOS OS SANTOS. Festivo

Luns, 21 de outubro de 2024: Analizaremos as características do mundo bizantino, o mundo árabe e o mundo xermano comparativamente.

Xoves, 24 de outubro de 2024: Repaso para o exame do tema 1.

Venres, 25 de outubro de 2024: Exame Tema 1 no Salón de Actos. Traede as vosas libretas. Mentres fagades o exame vounas revisar. Grazas.

Estes son os contidos que entran no exame do vernes da próxima semana:

1.- Fases da historia

2.- Características de Roma (ficha feita na clase).

3.- Causas da caída do Imperio Romano (Esquema da libreta) División de Europa en tres culturas: Bizancio, Al-Andalus e os Reinos Cristianos.

4.- Os pobos xermanos e as súas características (mapas da libreta e o tema 1 do libro)

5.- O tapiz de Bayeux. Características.

6.- A ficha do Día da Hispanidade.

Entran os contidos que traballemos na clase ata o próximo luns 21 de outubro.

Luns, 14 de outubro de 2024: Debedes traer as definicións da ficha do Día da Hispanidade. Corrixiremos as definicións, as clasificaremos e remataremos o exercicio de redacción da ficha. Comentaremos o documental sobre a orixe de Colón presentado esta fin de semana. VÍDEO: "A chegada de Colón a América en clave de humor, ou non tanto."

Xoves, 17 de outubro de 2024: Explicaremos as características dos pobos xermanos que chegaron a Europa Occidental e as características da Alta Idade Media (Tema 1 do libro). Non vos esquezades de traer o libro de texto. A sociedade Rural

Venres, 18 de outubro de 2024: Elaboraremos unha táboa coas características dos primeiros reinos cristiáns, o Imperio Bizantino e o mundo islámico.

Luns, 07 de outubro de 2024: Hoxe corrixiremos as fichas que elaboráchedes do Tapiz de Bayeux e revisarei os debuxos. Veremos as características dos pobos xermanos.

Xoves, 10 de outubro de 2024: Remataremos as características dos pobos xermanos.

O próximo sábado é festivo, pois hai 532 que Colón chegou América. Dende o ano 2020, o ano do confinamento por Covid os historiadores están analizando os restos de Colón e os seus descendentes, para averiguar a súa nacionalidade. Recentemente publicouse que nesta semana botarán luz sobre esta historia. Imos analizar este feito histórico e a súa importancia para a nosa historia.

Venres, 11 de outubro de 2024: Remataremos a ficha do DÍA DA HISPANIDADE. De non asistir a clase, podedes atopala na Aula Virtual (no tema 0) e debedes facela para entregar a próxima semana.

Luns, 30 de setembro de 2024: Explicaremos as CAUSAS DA CAÍDA DO IMPERIO ROMANO. Copiaremos un esquema proxectado na pizarra dixital e iniciaremos o mapa da distribución dos pobos xermanos na Europa do s. V. Precisamos cores para o traballo.

Xoves, 03 de outubro de 2024: Antes de seguir co mapa do luns, completaremos a ficha de Roma (quedou pendente o último parágrafo) e revisaremos o material da libreta para ver se o tedes organizado e completo. Logo completaremos o mapa da distribución dos pobos xermanos e repasaremos xeografía física e política de Europa (traballado o curso pasado).

Venres, 04 de outubro de 2024: Hoxe empregaremos o noso libro de texto, non o esquezades. Imos ver as características dos pobos xermanos. Para o luns debedes traer a información solicitada sobre o TAPIZ DE BAYEUX.

Luns, 23 de setembro de 2024: Remataremos a FICHA das fases históricas iniciada a semana pasada. Debedes entregar a información dos calendarios, tal como o repartimos a semana pasada (chinés, árabe e maia)

Xoves, 26 de setembro de 2024: Revisaremos as características xerais do mundo romando, a través dun esquema que copiaremos do taboleiro.

Venres, 27 de setembro de 2024: Como repaso do explicado onte na clase, faremos unha tarefa (texto da historia de Roma con ocos para rechear).

Luns, 16 de setembro de 2024: Lembrade que hoxe debedes entregar as portadas das libretas (1 para cada trimestre), seguindo as pautas dadas na clase. Remataremos o comentario do texto, iniciado a semana pasada, e faremos un test cos contidos do curso pasado.

Xoves, 19 de setembro de 2024: Corrixiremos o TEST da sesión pasada e comezaremos o tema de repaso do temario do curso pasado, facendo especial fincapé en ROMA, pois foi o tema que quedou sen rematar o curso pasado. Como no temos libro, con este tema, traballaremos exclusivamente coa libreta. Traede follas e material para escribir.

Venres, 20 de setembro de 2024: Analizaremos as causas da Caída do Imperio Romano e das súas características xerais.

Xoves, 12 de setembro de 2024: Benvidos todos a un novo curso que espero sexa moi levadeiro para todas e todos. Hoxe presentarémonos, explicaremos os contidos do curso, faremos un pequeno esquema das fases da historia (para lembrar o traballado o curso pasado). Repartiremos os libros do "Fondo de Libros" e cubriremos unha ficha básica de datos.

Venres, 13 de setembro de 2024: Estes primeiros días imos facer algunhas tarefas de repaso e avaliación de como voltamos do verán. Imos comentar un texto que se titula "A clase dunha tarde de verán".