“A pedra dos xentís”: tamén chamadas “pedras dos mouros”. Para Risco os “mouros”, personaxes míticos da tradición popular galega, deben desdobrarse. Por unha banda estarían aqueles que gardan o poder da ciencia e da técnica, mentres que, por outra banda, estarían os celtas, os encargados de gardar as verdades antigas. A velliña vella petando na “pedra dos xentís” trata, polo tanto, de espertar os celtas que coñeceron os tempos gloriosos de Galicia.