Saltar navegación

Cómo facer unha SA en cREAgal?

Deseño dunha SA en cREAgal

banner cREAgal

Como vimos anteriormente, o deseño dunha situación de aprendizaxe no proxecto CREAgal debe partir do currículo educativo galego, e debe estar orientado a facilitar a adquisición das correspondentes competencias clave.

Unha boa práctica de deseño dunha SA para o proxecto CREAgal sería:

Imaxen de PROENS

O primeiro paso é analizar a programación modelo de Proens, que será o referente para a elaboración dos REA, e concretar as unidades didácticas que se traballarán en cada SA.
Icona que representa motivación

A motivación e o estímulo da imaxinación son elementos básicos nun enfoque competencial, polo que se debe deseñar unha SA con conexión co mundo real do alumnado e que poida adaptarse ao contexto da aula e do centro educativo no que se empregue.
Icona que representa un grupo heteroxéneo

O enfoque de traballo xeral na SA é de traballo en grupo con metodoloxías cooperativas e colaborativas,  pero tamén haberá espazo para deseñar actividades individuais interactivas ou desconectadas.
Icona que representa unha diana

Ao finalizar a SA, débese orixinar un produto final, froito do traballo colectivo, do que o alumnado sinta orgullo, que mellorou a súas competencias clave e traballou os contidos da materia. O alumnado debe ter claros previamente os instrumentos e criterios de avaliación do proceso e produto final.

Fases da situación de aprendizaxe no proxecto cREAgal

A primeira información que se recibe da SA é o seu título, que debe ser motivador e ter relación co contexto real.

No proxecto cREAgal as situacións de aprendizaxe teñen 5 fases, que irán numeradas do 1 ao 5 e nomearánse cun termo atractivo relacionado co contido da fase (non ten que coincidir coa descrición desta).

Ademais:

  • Só se numerarán as fases da situación de aprendizaxe e os primeiros subniveis dependentes destas (ex. 1.1, 1.2, 1.3 /non 1.1.1, 1.1.2). Non se estenderán máis aló de dous subniveis por cada apartado. Os subniveis das fases levarán títulos motivadores e que esperten o interese.
  • Ao comezo de cada páxina, de ser preciso, incluirase un glosario dos termos usados nela, como axuda á comprensión por parte do alumnado. A explicación dos termos do glosario debe orientarse como exemplo de uso no contexto que foi empregado no REA, non limitándose a un exemplo do concepto en abstracto.
  • Cada fase levará actividades individuais e grupais para reforzar a aprendizaxe.
  • Nas fases da situación de aprendizaxe estará presente o diario de aprendizaxe, un portfolio individual que cubrirá o alumnado no que tamén se inclúen reflexións grupais.
  • A temporalización das fases non ten porque ser proporcional á duración total: deste xeito, algunha ou algunhas das fases poden ter unha duración en sesións superior ás demais.
  • As persoas coordinadoras de materia mentorizarán o proceso de creación das SA.

Características das fases da situación de aprendizaxe:

1. Descrición da situación de aprendizaxe. 

Imaxen de la fase de descripción y motivación

  • Nesta fase proporase o reto a superar a través dun traballo colaborativo e cooperativo do alumnado. É un paso crucial desta fase, xa que a motivación do alumnado dependerá en gran medida da implicación que consigamos nesta primeira fase.
  • Describirase as partes do reto que deberán ir resolvendo o alumnado.
  • Incluirá as metas (obxectivos) a acadar no reto.
  • Terá unha entrada cos primeiros pasos no diario de aprendizaxe: bloque 1.

2. Exploración de coñecementos previos.

  • magen descriptiva da fase 2 das situacións de aprendizaxeNesta fase deseñaranse actividades que promovan a iniciativa do alumnado e conecten cos seus coñecementos previos.
  • Incluirá  actividades:
    • Individuais multinivel: actividades multimedia ou "desconectadas" con diferentes niveis de dificultade.
    • Algunha actividade grupal: actividades colaborativas en grupo en relación coa SA.
  • Terá unha entrada, como mínimo, no diario de aprendizaxe: bloque 2.

3. Conexión.

  • Nesta fase conectarase o reto con experiencias persoais do alumnado.magen descriptiva da fase 3 das situacións de aprendizaxe
  • Traballaranse os contidos, ferramentas e procedementos precisos para resolver de maneira efectiva o reto proposto.
  • Ofreceranse estratexias de organización e desenvolvemento para acadar o reto formulado.
  • Terá unha ou mais  entradas no diario de aprendizaxe: bloque 3.

4.  Reto final.

  • Nesta fase obterase o produto final do reto mediante un traballo colaborativo en grupo.magen descriptiva da fase 4 das situacións de aprendizaxe
  • Os grupos de alumnado revisarán e publicarán os retos finais, que se mostrarán unha exposición final do reto acadado no formato decido previamente.
  • Haberá un instrumento claro de avaliación do reto final (por exemplo, unha rúbrica).
  • Terá unha ou mais entradas no diario de aprendizaxe: bloque 4.

5. Conclusión

  • Coavaliación dos proxectos do alumnado cunha actividade final de posta en común.magen descriptiva da fase 5 das situacións de aprendizaxe
  • Autoreflexión individual do alumnado no seu diario de aprendizaxe.
  • Terá unha entrada, como mínimo, no diario de aprendizaxe: bloque 4.

Imaxes “Deseñadas por Freepik” coa licenza Freepik

Creación da situación de aprendizaxe: dinámica de traballo

Punto de partida da situación de aprendizaxe

  • Para xerar a situación de aprendizaxe, traballarase sobre o documento base Esquema dunha situación de aprendizaxe: fases de xeito colaborativo no cartafol compartido en BoxAbalar.
  • O grupo de traballo desenvolverá o reto do REA seguindo as fases secuenciais deste.
  • Cando o grupo considere que as fases do reto están definidas (aínda que non estean completos os seus elementos: dicionarios, actividades grupais e individuais, rúbricas...), pasaremos o REA ao eXeLearning.
  • A temporalización aproximada para o desenvolvemento do REA en documento compartido é de entre dúas e catro semanas. Será o grupo de traballo quen valore cando pasar o documento compartido á ferramenta eXeLearning.

Nomenclatura e traballo colaborativo

  • Indicarase no nome do ficheiro -coa codificación recollida no apartado 3.3 da Guía técnica- a materia, o curso, a versión do REA (01, en principio), a súa numeración (con dous díxitos) no contexto global da materia, a data de edición en formato ano_mes_día.
    • Exemplo: TED_1ESO_REA_04_V01_20240206, indica que corresponde ao 4º REA do alumnado da materia Tecnoloxía e Dixitalización de 1º ESO, que se traballa a fase 1, e que foi actualizado o 6 de febreiro de 2024. Se hai dous ou mais cambios nun día se indicarán cun guión baixo e un número ao final (TED_1ESO_REA_04_V01_FASE 1_20240206_1, TED_1ESO_REA_04_V01_FASE 1_20240206_2...).

    É importante a participación activa de todas as persoas do grupo en todas as fases da SA nesta primeira aproximación, de forma que o bosquexo principal da SA sexa unha obra colaborativa. En posteriores fases do traballo poderemos repartir tarefas que terán un fío condutor común neste documento da SA deseñada.

    Plantilla de deseño dunha situación de aprendizaxe

    Plantilla  en formato editable (odt) para o deseño dunha situación de aprendizaxe no proxecto CREAgal. É importante subir este documento a unha plataforma colaborativa (ABALARBOX) para traballar en grupo  no deseño de  tódalas fases da situación de aprendizaxe.

    Feito con eXeLearning (Nova xanela)