Información xeral

Para cursar estudos no Conservatorio Profesional de Música da Coruña é necesario superar unha proba de acceso. O centro imparte dous graos:

• Grao elemental (G.E.): catro cursos. É a primeira etapa dos estudos musicais regrados.
• Grao profesional (G.P.): seis cursos. Ao rematalo obtense o título profesional de música, que permite presentarse ás probas de acceso ás ensinanzas superiores.

Como se accede

Pódese acceder ao primeiro curso de cada grao ou a calquera outro curso, sempre que a persoa aspirante demostre na proba os coñecementos e capacidades propios dese curso.

As probas convócanse unha vez ao ano. Cada curso publícanse nesta web e no taboleiro de anuncios do centro o calendario de inscrición, as datas das probas e o número de prazas vacantes por especialidade.

A superación da proba só ten validez para o curso académico para o que se convoca, e a admisión está condicionada ás prazas dispoñibles.

Alumnado con necesidades educativas especiais

O conservatorio conta cun procedemento específico de acceso ao grao elemental para alumnado con necesidades educativas especiais, con reserva de prazas e probas adaptadas.

Criterios de avaliación

Os criterios de avaliación están nas respectivas programacións didácticas. Podes atopalas en Profesorado / Departamentos

Máis información

• Acceso ao grao elemental
• Acceso ao grao profesional
• Acceso a outros cursos

Normativa

• Decreto 203/2007, do 27 de setembro, polo que se establece o currículo das ensinanzas profesionais de réxime especial de música (DOG núm. 211, do 31.10.2007).
• Circular 4/2008, do 22 de maio, pola que se regulan as probas de acceso ao grao elemental das ensinanzas de réxime especial de música.
• Orde do 28 de xullo de 2008 pola que se regulan as probas de acceso ás ensinanzas profesionais de música (DOG núm. 158, do 18.08.2008).
• Orde do 25 de outubro de 2022 pola que se autoriza, con carácter experimental, un proxecto inclusivo para a incorporación de alumnado con necesidades educativas especiais ás ensinanzas elementais de música no Conservatorio Profesional de Música da Coruña (DOG núm. 213, do 09.11.2022).

Normativa completa de ensinanzas de música (Xunta) ↗