Coro

Director

Antonio Facal Rivas

O Coro de Grao Profesional do Conservatorio Profesional de Música de A Coruña está formado por alumnado de 1º a 6º curso deste grao das especialidades de Canto, Guitarra, Piano e Acordeón fundamentalmente, e conta cunha crecente traxectoria dende a súa formación, coa participación en concertos solidarios a favor de diversas ONG (Terra de Homes, Banco de Alimentos Rías Altas, Down Coruña), xunto ás Agrupacións Sinfónicas, Coro Infantil do centro e Ensembles Instrumentais, dentro e fóra do centro — no Pazo da Ópera, Teatro Rosalía de Castro, Teatro Colón, Igrexa de María Auxiliadora (Os Salesianos) desta cidade.

Parte integrante do labor educativo deste Coro é o traballo en valores transversais, desenvolvido a través de actividades específicas de colaboración interdisciplinar co ensino secundario.