No CIFP Leixa puxemos en marcha un novo espazo de intercambio de libros na sala de profes, integrado dentro do club de lectura “As mesmas palabras”, iniciativa vinculada á biblioteca escolar e ao equipo de dinamización da lingua galega.
Esta acción é só o comezo doutras iniciativas vinculadas ao club de lectura “As mesmas palabras”. O seguinte paso será ampliar progresivamente o intercambio ao alumnado e continuar sementando espazos de lectura e recomendación compartida por todo o centro.