No marco das actuacións impulsadas polo equipo de medio ambiente do centro, e coa colaboración do alumnado encargado do horto escolar, púxose en marcha a creación dun hotel de insectos no noso patio.
Esta iniciativa xurdiu ao detectar que, naquel momento, non se contaba con demasiadas plantas con flor nos espazos exteriores, que favoreceran a chegada de máis insectos polinizadores, contribuindo así ao aumento da biodiversidade do centro e á mellora da polinización do horto e dos espazos verdes.
O proceso de deseño e construción do hotel permitiu ao alumnado coñecer de preto a importancia destes pequenos seres vivos no equilibrio dos ecosistemas, así como reflexionar sobre as condicións necesarias para atraer e coidar a fauna auxiliar.
Co paso do tempo, e ao estar construído con madeira sen tratar, o hotel sufríu un proceso natural de deterioración. Por iso, durante este curso estamos centrando os esforzos en complementar esta iniciativa coa incorporación de máis plantas con flor nos distintos espazos, creando un entorno cada vez máis atractivo para insectos polinizadores e favorecendo de maneira máis natural a presenza desta valiosa biodiversidade.
