A nosa biblioteca é moito máis ca un espazo para a lectura; é tamén un lugar onde desenvolver o pensamento, a creatividade e diferentes habilidades.
Nesta ocasión, tivemos a sorte de contar con Sandra, da xoguetería EscondiT, que nos achegou ao coñecemento do xogo Dixit. A través desta proposta, o alumnado puido iniciarse nunha experiencia de aprendizaxe lúdica, na que a imaxinación, a interpretación e a expresión cobran un papel fundamental.
Foi unha sesión chea de diversión, pero tamén de aprendizaxe, demostrando que se pode aprender moito mentres se goza do proceso.
Aprender divertíndose é, sen dúbida, unha das mellores maneiras de medrar.
Moitas grazas, Sandra, por compartir con nós esta experiencia tan especial!
