Na Biblioteca Helena Villar do CEIP López Ferreiro temos unha certeza: este curso demostrouse unha vez máis que estamos rodeados de grandes lectores e lectoras. E non é para menos: vimos a moitos de vós devorando aventuras, misterios, viaxes espaciais e historias cheas de emoción entre os andeis da nosa biblioteca.
Pero o curso remata... e as vacacións de verán chaman á porta!
Sabemos que o verán é tempo de praia, piscina, xogos ao aire libre e desconectar das rutinas. Pero tamén é o momento perfecto para deixar voar a imaxinación sen reloxos nin timbres. Por iso, desde o equipo da biblioteca querémosvos animar a levar un bo libro na mochila das vosas aventuras estivais.
Recomendacións para todos os gustos
Preparamos con moito cariño unhas suxestións de lecturas para o verán, pensadas para cada idade e para cada momento do día. Tanto se es deses que le un pouco antes de durmir, como se prefires ler á sombra dunha árbore ou incluso na duna da praia... temos algo para ti!
Consellos para un verán lector
Le a ritmo de vacacións: non hai presas nin exames. Podes ler cinco páxinas ou cincuenta, o importante é gozar.
Crea o teu recuncho lector: nunha hamaca, nunha alfombra na sombra, ou mesmo nunha tenda de campaña.
Comparte lecturas: le en voz alta cos teus irmáns, irmás ou coa túa familia. Ler en compañía tamén é viaxar xuntos.
Visita a túa biblioteca municipal: moitos bibliotecarios e bibliotecarias tamén preparan recomendacións especiais para o verán.
Ata setembro, rapazada! E lembrade: “Un libro é un amigo que nunca marcha de vacacións.”
Disfrutade, lede, soñade... e bo verán a todas e todos!
