Educar para a participación democrática implica ofrecer espazos reais nos que o alumnado poida expresar a súa voz, facer propostas e contribuír activamente á mellora da vida escolar.
Por este motivo, desde o curso 2023/24, púxose en marcha o Consello Escolar do Alumnado, unha estrutura estable de participación, formado por unha persoa representante de cada aula - desde 6º de Educación Infantil ata 6º de Educación Primaria - converténdose así, nun espazo interetapa no que o alumnado aprende a dialogar, escoitar, argumentar, chegar a acordos e asumir responsabilidades colectivas.
Unha vez ao mes, a directora do centro reúne ao Consello para escoitar e valorar propostas de melloras, compartir inquietudes, analizar necesidades e reflexionar conxuntamente sobre como seguir mellorando o noso centro. Destas reunións non só xorden ideas, senón tamén accións concretas que posteriormente se trasladan ás aulas e ao resto da comunidade educativa.
Nas últimas sesións, o Consello centrou parte do seu traballo en reflexionar sobre como mellorar a convivencia no López Ferreiro, chegando aos seguintes acordos:
