Actualmente no equipamento do alumnado existe unha aplicación que impide o acceso a contidos inapropiados independentemente onde se conecte o ordenador, tanto nos centros educativos coma nos fogares. Esta aplicación dispón de funcionalidades básicas:

Filtrado de contidos
Filtrado de contido inapropiado usando Blacklist e Whitelist.
Filtrado por categorías
Configuracións precisas para filtrado de sitios web por categorías.
Protección no domicilio
Funciona indistintamente tanto no centro educativo como no domicilio.
Filtrado da actividade
Evita accesos non autorizados a sitios con información sensible.

Máis información en: https://espazoabalar.edu.xunta.gal/e-dixgal/novas/navegacion-segura-en-e-dixgal

Aspectos básicos de seguridade no proxecto

Que medidas de seguridade existen en Edixgal para evitar que o meu fillo acceda pola súa conta a contidos para adultos ou a xogos co seu portátil?

Ademais da mencionada navegación segura, non é posible a alteración do software que está instalado nos ultraportátiles do alumnado de Edixgal, polo que non poden instalar xogos ou outros programas inapropiados. Ademais, contan cunha aplicación para a navegación segura que impide o acceso tanto dentro como fóra do centro escolar ás páxinas web que se consideran inadecuadas, como: páxinas de xogos, de apostas, chats e foros de persoas adultas, redes sociais, etc

Como podo asegurarme que o meu fillo fai un uso apropiado do ultraportátil de Edixgal fora do recinto escolar ?

O ultraportatil é un recurso cedido co único propósito de servir de apoio para as tarefas escolares. Como responsables debedes asegurarvos de que os vosos fillos se responsabilizan do seu correcto uso e coidado, limitando o tempo de uso exclusivamente á realización das tarefas escolares. A este respecto cumpre acordar con eles as normas e supervisar o seu cumprimento, vixiando de cando en vez o estado de conservación do portátil, o tempo que pasan con el ou o historial dos navegadores web.