TIC proba

Ao entrar na aula virtual debemos atopar unha estrutura clara e sinxela na que poidamos localizar os cursos ou aulas virtuais. 

É lóxico reproducir na aula virtual a estrutura organizativa que teña o centro. Por exemplo, un centro estruturado en Departamentos no que cada profesora e profesor pertence a un deles deberá organizar a súa aula virtual con esa mesma estrutura, é dicir, reproducir virtualmente o que sucede na realidade.

Unha estruturación das categorías dos cursos sen un criterio claro leva á confusión do visitante, do alumnado: non saberá onde buscar o curso.

Amais disto convén crear unha estrutura de categorías que ao amosarse na pantalla do ordenador non exceda, de ser posible, unha pantalla e ao premer nas opcións visible ir "adentrándose" na estrutura da aula virtual 

Neste caso práctico practicaremos como se configura a páxina principal da aula virtual e veremos unha organización da estrutura de categorías e subcategorías para ordenar os cursos ou aulas virtuais. O obxectivo é aprender a configurala, despois poderás darlle a configuración concreta que estimes mellor. 

Informarse e aprender

• Moodle 2.6 - Documentación para o administrador

Pasos para configurar a páxina principal da aula virtual do centro: 

1. Entra na aula virtual do teu centro con perfil de Administrador
2. Entra na Administración do sitio > Páxina principal > Configuración da páxina de portada. Configuración vixente o 23/11/2019.
   Configúraa para que:
   1. Se amose a estrutura de categorías cunha profundidade de 2 subcategorías, é dicir as categorías principais e a primeira subcategoría e ao premer nestas abriranse.
   2. Crea unha estrutura de categorías e subcategorías axeitada ao teu centro
   3. Traslada ás categorías e subcategorías os cursos existentes.
   4. O visitante na aula visualice na páxina principal, ademais da estrutura de categorías, unicamente os cursos nos que esté matriculado. Deste xeito verá unicamente os seus cursos mentres que para visualizar os restantes deberá navegar pola estrutura de categorías
   5. Coloca todos os bloques na columna da esquerda: deste xeito auméntase o espazo disponible na columna central para ver a información do resumo do curso. 
3. Respecta a pauta da netiqueta de non escribir todo en maiúsculas, nos ambientes virtuais equivale a falar a gritos.