TAREFA 1 - Configura a aula virtual dunha das túas materias
Requisitos de finalización
O obxectivo consiste en crear e configurar unha aula virtual complementaria do ensino presencial que servirá para xestionar nela contidos, recursos, actividades, tarefas... dixitais e poder desenvolver a actividade docente en liña
- A aula virtual creada en Moodle deberá ter a mesma estrutura organizativa que teña a materia á que complementa. É dicir, se a materia / área organizouse en 12 temas na programación ou nos libros de texto dixitais, a aula virtual deberá ter en paralelo 12 temas para xestionar neles os contidos e actividades dixitais.
Nivel básico
Esta tarefa consiste en crear e configurar a estrutura da aula virtual, é dicir:
1. Crea un curso na aula virtual do teu centro para configurar a túa aula virtual dunha materia ou área.
2. Configura na aula un tema do curso para cada tema da programación ou do libro de texto ou dos materiais dixitais de creación propia da materia ou área elixida. Deberá ter:
-
- Unha cabeceira onde recolla o nome da materia ou área, o nome da profesora ou profesor...
- Tantos temas e cos mesmos títulos que os programados, os do libro de texto....
- A licenza do curso
- Un tema, oculto ao alumnado, repositorio de materiais e para o mantemento da aula virtual.