O IES Fernando Blanco vén de estrear nova páxina web institucional, renovando a súa presenza dixital e adaptándoa ás novas funcionalidades do proxecto Webs Dinámicas da Xunta de Galicia. A nova plataforma ofrece unha imaxe máis moderna, unha navegación máis intuitiva e unha mellor experiencia de uso tanto desde ordenadores como desde dispositivos móbiles.
Esta renovación permitirá á comunidade educativa acceder de forma máis sinxela á información académica e administrativa do centro, ás novidades, aos proxectos educativos, ás actividades complementarias e extraescolares; así como aos diferentes servizos que ofrece o instituto. Ademais, a nova estrutura facilita a publicación e actualización de contidos, favorecendo unha comunicación máis áxil e eficaz co alumnado, as familias e o conxunto da sociedade.
O IES Fernando Blanco, centro educativo de referencia na Costa da Morte cunha longa tradición formativa desde a súa fundación en 1886, continúa así avanzando na súa aposta pola innovación educativa e pola transformación dixital. A nova web constitúe unha ferramenta fundamental para dar visibilidade ao amplo traballo desenvolvido nos ámbitos da ESO, Bacharelato, Formación Profesional e diferentes proxectos nos que participa o centro.
A migración á nova versión de Webs Dinámicas forma parte do proceso de modernización tecnolóxica impulsado pola Xunta de Galicia, que permite aos centros educativos públicos dispoñer de plataformas máis seguras, accesibles e adaptadas ás necesidades actuais da comunidade educativa.
Con este novo espazo web, o IES Fernando Blanco reforza o seu compromiso coa transparencia, a comunicación e a difusión da actividade educativa, ofrecendo un punto de encontro dixital actualizado para alumnado, familias, profesorado e todas as persoas interesadas na vida do centro
