O CUALE (Cursos para a formación complementaria en linguas estranxeiras do alumnado) está destinado a potenciar as competencias lingüísticas, preparando ao alumnado para o mundo laboral e académico actual. Estes cursos, impartidos en horario de tarde (dous días á semana), ofrecen un impulso extra no idioma fóra do horario lectivo habitual e permite preparar as probas de acreditación oficial dos diferentes niveis do Marco Común Europeo de Referencia para as Linguas (MCERL).
CUALE A2 - Inglés
Curso dirixido á preparación das probas de certificación do nivel A2 de inglés da Escola Oficial de Idiomas.
Está destinado ao alumnado que vai estudar no vindeiro curso 4º da ESO (e que teña superadas todas as materiais de 3º da ESO) ou o Ciclo Medio de Formación Profesional.
De poder optar ao nivel inmediatamente superior, poderíase de xeito extraordinario matricular nese nivel nas probas de certificación da EOI.
CUALE B1 - Inglés
Curso dirixido á preparación das probas de certificación do nivel B1 de inglés da Escola Oficial de Idiomas.
Está destinado ao alumnado que vai estudar no vindeiro curso o Bacharelato, Ciclo Medio ou Ciclo Superior de Formación Profesional.
De poder optar ao nivel inmediatamente superior, poderíase de xeito extraordinario matricular nese nivel nas probas de certificación da EOI.
