En parellas, escollede unha asociación da vosa vila, buscade a súa web e analizádea:
Cal é a natureza da asociación? (a que se adica)
Cal é o público obxectivo da mesma? (a quen están dirixidas as súas actividades)
O seu labor é integrador socialmente? (fai comunidade?)
É unha asociación relevante no panorama galego?
Onde está a súa sé? Quen son os membros da xunta directiva? Pode atoparse esa información na súa web?
Como teríades que facer para asociarvos a ela? Que poderíades aportar?
Comercio e emprego
Nunha cidade intelixente cómpre garantir emprego de calidade para toda a poboación, xestión adecuada dos recursos naturais da proximidade e comercio xusto:
Emprego
Ana Moreiras con Chat GPT. Emprego nas cidades intelixentes(CC BY-SA)
Nas cidades intelixentes, o traballo está a cambiar moi rápido. Xa non todo depende das fábricas (sector secundario) ou do campo (sector primario), senón que cada vez hai máis emprego nos servizos (sector terciario), como a informática, o comercio en liña ou a asistencia sanitaria dixital.
O teletraballo é cada vez máis común: moita xente pode traballar desde a casa grazas a unha boa conexión a internet. Isto é moi útil para fixar poboación no rural e evitar que todo se concentre nas cidades.
As cidades intelixentes tamén intentan preservar os recursos naturais: aforran auga, usan enerxías limpas e xestionan mellor os residuos. Isto crea novos empregos verdes, como instaladores de paneis solares ou especialistas en reciclaxe.
Por iso é moi importante conectar ben o mundo rural co urbano: sen boas estradas, internet ou transporte, moita xente queda sen opcións. A igualdade de oportunidades depende tamén dunha boa planificación intelixente do territorio.
Comercio
Ana Moreiras con Chat GPT. Comercio nas cidades intelixentes(CC BY-SA)
O comercio tamén está a cambiar nas cidades intelixentes. Cada vez máis persoas mercan por internet, e iso fai que moitas tendas pequenas teñan dificultades para sobrevivir. Por iso, unha cidade intelixente non pode esquecer o comercio local: as tendas de barrio, os mercados e os produtos de proximidade.
Comprar no comercio local é sostible: reducimos os transportes longos, apoiamos a economía da nosa zona e mantemos vivas as rúas da cidade. Ademais, créanse empregos máis estables e próximos á xente.
As cidades intelixentes poden axudar usando a tecnoloxía: por exemplo, creando plataformas dixitais onde pequenos comercios tamén poidan vender, ou mellorando a loxística urbana para repartir sen contaminar.
É importante encontrar un equilibrio entre o comercio en liña e o comercio de proximidade, para que as persoas teñan opcións e as vilas e cidades sigan tendo vida. Neste sentido, ter unha asociación de empresari@s sólida axuda a cumprir os obxectivos. Gústanos o exemplo da Asociación de Empresarixs de Boiro (ABE), que fai campañas para dar a coñecer os comercios de proximidade da vila, creando vídeos nos que as e os protagonistas son os propietarios dos negocios.
Lectura facilitada
Nunha cidade intelixente é moi importante garantir emprego para todas as persoas, usar ben os recursos naturais e apoiar o comercio local.
Emprego
Ana Moreiras con Chat GPT. Emprego nas cidades intelixentesCC BY-SA
O tipo de traballo nas cidades está a cambiar.
Hai menos traballos no campo ou na fábrica.
Hai máis traballos en servizos: informática, saúde, comercio online…
O teletraballo permite traballar desde a casa.
Isto é útil para que máis xente poida vivir no rural, se hai boa conexión a internet.
As cidades intelixentes tamén crean empregos "verdes", como:
Instalación de paneis solares.
Recollida e reciclaxe de residuos.
É importante conectar ben as zonas rurais coas cidades, con boas estradas, transporte e internet, para garantir as mesmas oportunidades para toda a xente.
Comercio
Ana Moreiras con Chat GPT. Comercio nas cidades intelixentesCC BY-SA
Hoxe en día moita xente compra por internet. Iso pode facer que as tendas pequenas teñan problemas.
Pero o comercio local é moi importante:
Evita grandes desprazamentos e contaminación.
Axuda á economía da zona.
Mantén viva a cidade e crea emprego estable.
As cidades intelixentes poden axudar co comercio local:
Creadando plataformas dixitais para vender produtos locais.
Organizando a repartición de produtos sen contaminar.
Un bo exemplo é a Asociación de Empresari@s de Boiro (ABE), que fai campañas para dar a coñecer os comercios da vila. Aquí tes un vídeo sobre iso.
Ana Moreiras con Chat GPT. Comunidade e cultura nunha cidade intelixente(CC BY-SA)
Vivimos en comunidade e por iso debemos camiñar cara a cidades onde se respecten os dereitos de todas e todos: as novas políticas urbanas deben promover cooperativas de vivendas, o ecofeminismo, hortos urbanos, activismo, mobilidade sostible…
É esencial traballar nos seguintes eixos
Coidado de espazos históricos e culturais, con usos actualizados se fora oportuno.
Áreas deportivas adecuadas á demanda da veciñanza.
Oferta educativa pública e de calidade para todos os sectores de pobobación (educación formal e non formal).
Centros médicos ben equipados, públicos e de calidade.
Servizos sociais en contacto coa cidadanía e axudando ós sectores máis desfavorecidos
Oferta cultural integradora que responda a demandas sociais, culturais e económicas da veciñanza. Facer e participar na cultura é un dereito!
As asociacións culturais locais fan un labor imprescindible na construción do tecido sociocomunitario. Cómpre, iso si, que estean coordinadas por un departamento de cultura integrador, observante e activo. Un exemplo de festas integradoras, organizadas en consenso coas asociacións e diversos sectores culturais, télo nas festas de Boiro 2023.
Educación online. Usas ben a túa aula virtual?
Ana Moreiras con Chat GPT. Formación online nas cidades dixitais(CC BY-SA)
As cidades intelixentes están a traballar para que todas as persoas teñan acceso á educación dixital, mesmo no rural, porque o dereito a aprender debe ser igual para todas. Para que funcione, fan falta boas conexións, formación para o profesorado e o alumnado, e ferramentas accesibles e inclusivas. A educación en liña é cómoda, pois faise desde casa, pero require organización, responsabilidade e ter bo acceso tecnolóxico.
Desde a pandemia, todos os centros escolares teñen aulas virtuais nas que é obligatorio pendurar os contidos do curso. É moi importante que saibas usar ben a túa aula virtual, por iso che propoñemos que fagas este test de Incibe para ver canto sabes sobre a túa aula Moodle e, en xeral, as plataformas de aprendizaxe online.
Tarefa: ecoauditoría sociocomunitaria
Duración:
20'
Agrupamento:
Individual
1. En parellas, debatide sobre os seguintes aspectos e pensade en posibles melloras:
Traballo urbano e rural: existe oferta?
É factible o telebraballo?
Hai un equilibrio entre comercio de proximidade e comercio global?
Explótanse de forma sostible os recursos naturais da zona?
Están rehabilitados e úsanse de forma adecuada os espazos históricos e culturais?
Están acondicionadas e úsanse de forma adecuada os espazos deportivos?
Existe unha oferta educativa pública e de calidade para todas as edades?
Hai centros médicos ben equipados, públicos e de calidade?
Hai asociacións que representen a toda a cidadanía?
Coñeces o traballo dos servizos sociais do concello e sabes a quen axudan?
2. Escollede, de entre o que falastes, tres puntos concretos e explícaos:
Punto verde: aspecto que funciona ben e debe poñerse en valor.
Punto marel: aspecto que deben mellorar.
Punto vermella: aspecto que hai que corrixir de inmediato.
3. Board-muro colaborativo:
Na aula virtual habilitarase un Board "Ecoauditoría infraestruturas" con tres bloques. Para cada un, subide o correspondente post coa explicación anterior.
Ana Moreiras. Board exemplo "Ecoauditoría"(CC BY-SA)
Engadide cadansúa imaxe. Deben estar tomadas por vós e hai que etiquetalas como Creative Commons 4.0:
Ana Moreiras. Carga de imaxes con licenza CC 4.0(CC BY-SA)
Ten en conta as tendencias actuais: auxe do teletraballo e o comercio electrónico, cambios de mobilidade nas cidades, integración das novas tecnoloxías, obriga de alcanzar os ODS.
Unha web de consulta de propostas interesantes é Smartcity.es
Le ben a rúbrica da ecoauditoría para non facer un informe floxo!
Rúbrica da ecoauditoría sociocomunitaria
Rúbrica para avaliar a ecoauditoría
Excelente
Satisfactorio
Mellorable
Insuficiente
Non entregado
Consulta de fontes
As fontes (persoas, apuntes da aula, outras webs) usadas son numerosas e aportan información relevante. (2)
As fontes usadas son numerosas pero non todas aportan información relevante. (1.5)
As fontes consultadas son escasas e non demasiado relevantes. (1)
Non consultas máis fontes que o teu propio coñecemento do tema. (0.5)
Non entregado. (0)
Análise e reflexións
A análise que fas da información permíteche facer reflexións sólidas e argumentadas sobre os tres aspectos que analizaches, polo que aportas propostas concretos SMART. (2)
A análise que fas da información permíteche facer reflexións suficientemente argumentadas dos tres aspectos que escolliches, dando, en consecuencia, propostas concretos SMART. (1.5)
A análise que fas da información non é moi profunda, polo que os tres aspectos que escolliches non teñen unha argumentación moi sólida ou carecen de propostas SMART. (1)
Non chegas a facer unha análise boa, polo tanto non chegas a conclusións. (0.5)
Non entregado. (0)
Redacción
A redacción do informe é moi boa desde o punto de vista da expresión escrita e a ortografía. Ademais, empregas vocabulario técnico, e apréciase que usas moitas palabras novas aprendidas na unidade. (2)
A redacción do informe é boa desde o punto de vista da expresión escrita e hai poucas faltas de ortografía. Ademais, empregas vocabulario técnico, e apréciase que usas palabras novas aprendidas na unidade. (1.5)
A redacción do informe é mellorable, tendo erros na expresión escrita e a ortografía. Ademais, empregas pouco vocabulario técnico, e case ningún termo novo da unidade. (1)
A redacción é confusa, hai moitas faltas de ortografía e apenas ningún vocabulario técnico.es errónea y hay fallos graves de ortografía. (0.5)
Non entregado. (0)
Recursos complementarios
O informe complétase con recursos (links, e imaxes, estatísticas, etc.) que aportan información e matices. (2)
O informe complétase con imaxes ou links que aportan información e matices. (1.5)
O informe complétase con algún recurso (links, imaxes, estatísticas) que aportan un pouco máis de información. (1)
Non aportas apenas recursos complementarios. (0.5)
Non entregado. (0)
Publicación
Publicas o informe dixitalmente nunha entrada da cor adecuada no board correspondente. (2)
Publicas o informe dixitalmente nunha entrada no board correspondente. (1.5)
Envías o informe á profe. (1)
Fas o informe a man pero non o entregas. (0.5)
Non entregado. (0)
Ana Moreiras. Rúbrica para avaliar a ecoauditoría(CC BY-SA)
