Existen algunhas cuestións que poden dar lugar a confusión e creemos por tanto que é necesario que estean claras desde un principio.
Execútase no navegador instalado no teu equipo
eXeLearning utiliza o navegador instalado por defecto no teu equipo para executarse e poder editar contidos (para visualizalos non fai falta instalalo). Trátase dunha aplicación de escritorio que utiliza un navegador para crear e editar contidos. Isto facilita que poida utilizarse en calquera equipo, posto que os sistemas operativos de calquera computador (Windows, MacOS, Linux) incorporan un navegador (Mozilla Firefox, Google Chrome, Microsoft Edge, Safari...).
No caso de ter instalados varios navegadores, pódese configurar en cal deles se abrirá eXeLearning. Isto pódese facer na xanela que aparece ao iniciar eXeLearning ou no menú Utilidades → Preferencias. Recoméndase o uso de Mozilla Firefox
Aplicación de escritorio e integración en Moodle de eXe online
Como dixemos, eXeLearning utiliza o navegador para executarse no equipo no que está instalado, pero isto non significa que se estea traballando en liña nin que precise conexión a Internet. É unha aplicación de escritorio e execútase en local (no equipo do usuario, non nun servidor ao que se accede a través de Internet). Si se poden inserir contidos para os que se necesite a conexión a Internet (ligazóns, materiais embebidos etc...)
Ata o de agora, podiamos publicar os materiais creados con eXe na plataforma Moodle como arquivo HTML ou como actividade SCORM para utilizalos nas nosas aulas virtuais, aínda que a edición debía realizarse na aplicación de escritorio de eXe. Agora, coa integración de Moodle e eXeLearning en liña, poderemos publicar e editar contidos nas nosas aulas virtuais cunha versión de eXeLearning integrada na propia plataforma Moodle e que funciona en liña sen necesidade de instalación.
NON garda automaticamente
En ocasións, o feito de que eXeLearning estea a executarse nun navegador pode dar a falsa impresión de que se traballa online e de que os cambios se gardan automaticamente. Con todo, trátase dunha aplicación local e os cambios deben gardarse manualmente en Ficheiro → Gardar para evitar perder o traballo. Para evitar descoidos, o programa avisa ao usuario periodicamente cando pasa moito tempo sen gardar.
Crea un material intermedio
Os materiais creados con eXeLearning gárdanse como ficheiros con extensión .elp (Exe Learning Project) e son editables con eXeLearning. Con todo, se o que queremos é compartir o noso material para que outras persoas o visualicen (sen editar), teremos que dar dous pasos máis: exportalo e publicalo en Internet, tal e como veremos ao final do curso.
O alumnado non precisa instalar eXeLearning para visualizalo
Unha vez exportado o material e publicado en Internet, podemos difundir o URL correspondente para que o alumnado (ou calquera usuario con ligazón) poida visualizalo online sen necesidade de usar eXeLearning nin telo instalado. Tamén temos a opción de exportalo como Sitio web e facilitarlle o contido a outros usuarios nun cartafol para a súa visualización offline, como se explicará no seu momento.
.png "manual"){kind=icon}