Dentro do noso proxecto De feria en feria, mergullámonos no coñecemento das tradicións populares galegas a través do estudo das diferentes personaxes do Entroido tradicional de Galicia.
Ao longo destas semanas, o alumnado investigou e descubriu esta celebración, coñecendo figuras emblemáticas como os peliqueiros, cigarróns, boteiros, felos, pantallas ou volantes, entre outras. A través de contos, vídeos, imaxes, propostas plásticas e actividades de investigación, achegámonos ás características, vestimentas e costumes propias de cada unha destas personaxes tradicionais.
Este traballo permitiunos valorar a importancia de conservar e transmitir o patrimonio cultural galego, ao tempo que gozamos dunha das festas máis representativas da nosa cultura.
Seguimos aprendendo da nosa cultura… feira a feira e tradición a tradición.
