Para pechar as actividades da biblioteca deste curso, gozamos dunha xornada moi especial ao aire libre, compartindo música, alegría e tempo en familia. Nesta clausura tivemos a sorte de contar co concerto de CE Orquestra, que nos fixo vivir un encontro divertido e moi participativo. Da man deste músico, as familias e o alumnado puideron gozar dun espectáculo cheo de ritmo e humor, no que non faltaron as cancións, o movemento e as ganas de pasalo ben.
O espazo exterior converteuse nun escenario perfecto para despedir esta etapa cunha proposta lúdica e cultural pensada para desfrutar en comunidade.
Con esta fermosa clausura, a biblioteca pecha un curso cheo de contos, encontros e experiencias, reafirmándose como un espazo vivo dentro da escola, aberto á lectura, á creatividade e á participación das familias.
Moitas grazas a todas as persoas que fixeron posible esta xornada tan especial e, por suposto, a CE Orquestra Pantasma por acompañarnos e poñer a mellor banda sonora para despedir a biblioteca ata o vindeiro curso.
