O período de adaptación está destinado aos nenos e nenas de 3 anos ou que comezan a súa escolarización no centro educativo. Non é obrigatorio pero si altamente recomendable. Ten a finalidade de favorecer o tránsito ao novo contexto educativo no que se desenvolverán os nenos e nenas. Caracterízase por realizarse de forma flexible e progresiva e durará ata o martes 13 de setembro, co seguinte horario:
| MÉRCORES 9 | XOVES 10 | VENRES 11 | LUNS 14 | MARTES 15 |
4 e 5 anos | De 12 a 14h (sen merenda) | De 9 a 14h (con merenda) | De 9 a 14h (con merenda) | De 9 a 14h (con merenda) | De 9 a 14h (con merenda) |
3 anos | Non asisten | De 12 a 13h Sen merenda | De 12 a 14h Sen merenda | De 12 a 14h Sen merenda | De 11 a 14h Con merenda |
Por tanto, o colexio comezará o día 9 de setembro para o alumnado de 4 e 5 anos, e o 10 de setembro para o alumnado de 3 anos. A partir do martes 10 o alumnado de 4 e 5 anos asistirá en horario normal, e o alumnado de 3 anos de xeito progresivo ata ter horario completo a partir do martes 15.
Durante este período de adaptación recomendamos favorecer a súa autonomía, deixalos/as na entrada para que fagan eles/as sós as cousas… Os familiares poderedes entrar á aula sempre que sexa necesario.
Cada día virá á escola un/unha especialista que estará xunto coa titora para que o alumnado e todo o profesorado se coñezan mutuamente.
Respecto ó control de esfínteres, como normal xeral do CRA poderemos ter mudas nas escolas e o profesorado poderá optar por chamar ou non á familia para realizar os cambios que sexan necesarios.
De acordo á Orde de Calendario escolar, dende o centro deberemos garantir a atención do alumnado a tempo completo nos casos nos que non sexa posible a incorporación gradual. Nestes casos excepcionais deberase informar á titora.
