Din que "nunca chove a gusto de todos/as", e é que no CPI de Zas estamos cansos/as de que chova dentro do noso cole.
O alumnado fixo unha protesta fotográfica para ensinarlle á comunidade educativa e á Consellería de Educación o estado lamentable das instalacións do centro educativo.
Observemos as imaxes: estudantes vestidos con chuvasqueiros, botas e cun paraugas en man asisten ás clases; corredores e aulas ateigadas de cubos que se enchen da auga das goteiras; paredes cheas de humidades ás que se lles cae a pintura...
"Basta xa!" berran os estudantes do CPI de Zas.
