Comedor escolar 2026/2027: prazo e documentación para a solicitude

Le a seguinte información se che interesa facer uso do comedor no próximo curso.

De acordo coa instrución 1/2026 da Secretaría Xeral Técnica da Consellería de Educación, Ciencia, Universidades e Formación Profesional, as familias do alumnado escolarizado no CPI de Zas que desexen facer uso do servizo de comedor escolar durante o curso 2026/2027 deberán presentar o Anexo II – Modelo de autodeclaración e especificacións.

Presentación de solicitudes

Prazo de presentación:

• Do 22 de xuño ao 8 de xullo de 2026 (ambos incluídos).
• Presentarase unha solicitude por cada alumno/a.

Horario de secretaría:

• De 09:00 a 14:00 horas durante os meses de xuño e xullo.

Lémbrase que, no apartado B) Membros da unidade familiar incluído/s o/s alumno/s para o/s cal/es solicita comedor, non deben figurar as persoas que tivesen cumpridos os 18 anos a 31 de decembro de 2025.

Usuarios gratuítos:

Terán dereito ao servizo gratuíto de comedor, independentemente da renda familiar:

1. Alumnado en situación de exclusión social acreditada polos servizos sociais correspondentes.
2. Alumnado en acollemento residencial ou familiar.
3. Alumnado cunha discapacidade igual ou superior ao 33 % acreditada.
4. Familias vítimas do terrorismo.
5. Familias vítimas de violencia de xénero.

Nestes casos:

• Non é necesario cubrir os datos económicos do anexo.
• Debe marcarse a opción de aboamento de 0 € por día de servizo.
• O documento deberá estar debidamente asinado.
• Será necesario achegar a documentación acreditativa correspondente.

Alumnado fóra de zona:

• O alumnado de fóra de zona que se matricule por primeira vez no centro para o curso 2026/2027 deberá aboar 4,50 € por día de servizo, independentemente da renda familiar.
• O alumnado de fóra de zona xa matriculado no centro en cursos anteriores aboará a cantidade que corresponda segundo a súa renda.

Sinatura da solicitude:

O Anexo II deberá estar asinado polo proxenitor ou polos proxenitores, segundo corresponda.

Documentación:

Nos arquivos dispoñibles máis abaixo poden descargar o Anexo II – Modelo de autodeclaración e especificacións en formato editable para a súa cumprimentación.

Calculadora de simulación de prezos do comedor:

Antes de presentar a solicitude, poden consultar o importe orientativo que lles correspondería aboar polo servizo de comedor empregando a calculadora de simulación.

Prema en "Calculadora de simulación de prezos do comedor" para acceder á ferramenta.