Un libro nun minuto é unha actividade do Club de Lectura do alumnado de 5º de primaria do CPI dos Dices. Nela presentamos os libros que traballamos neste curso coa finalidade de promocionar a lectura entre todo o alumnado.
Os primeiros libros que presentamos son os seguintes:
O Rei Cuu.
Xinfu e a maldición Guauchuky.
Plan de rescate.
Escarlatina, a cociñeira defunta.
Rematamos o club de lectura As pintoras daltónicas e mais as actividades do EDLG por este curso 2025-26 con unha xornada moi especial.
Cóntoche. Fomos visitar a Casa Museo Rosalía de Castro (na Matanza-Padrón) o 2 de xuño e, ademais de nos faceren un percorrido pola vida e obra da escritora - e tamén da súa familia -, ao final, metéronnos nunha sala da que só podiamos saír se eramos quen de resolver unhas pistas e atopar a chave que abrise a porta. Claro, estabamos nun escape room!
Creo que o fixemos demasiado ben, porque atopamos a chave, tivemos que saír e non nos quedou outra que volver para o centro!
 |
 |
 |
Comezamos o Club de Lectura 2025-26 con tres grupos na ESO.
En 2º da ESO escollemos unha lectura que está dando moito que falar, por tratar un tema tan de actualidade, como é o TDAH en adolescentes: trátase da obra de Raquel Castro, I´m Obelix.
