Comezamos o Club de Lectura 2025-26 con tres grupos na ESO.
En 2º da ESO escollemos unha lectura que está dando moito que falar, por tratar un tema tan de actualidade, como é o TDAH en adolescentes: trátase da obra de Raquel Castro, I´m Obelix.
En 3º da ESO optamos por unha novela de acción e intriga, onde a moza Berta Mir ten que resolver un misterio sobre un papagaio desaparecido. Titúlase O caso do papagaio que falaba de máis e é do autor catalán Jordi Sierra i Fabra.
En 4º da ESO adentrámonos na vida de Cecilia, unha adolescente que, cando todo parece ir mal, atopa no boxeo unha saída. A autora de Furia é María Reimóndez.
