Equipo de dinamización da Lingua Galega

O día 18 de maio, o alumnado da ESO asistiu, no Multiúsos de Rois, á representación da obra de teatro Nas nubes, a cargo da compañía Redrum teatro. 
Esta actividade foi organizada polo propio concello de Rois, dentro da programación de "Alingüamos cos centros educativos de Rois". 
Con este espectáculo, cheo de humor e achegamento ao público xuvenil, o alumnado tivo a oportunidade de reflexionar sobre como nos poden afectar as novas tecnoloxías e como podería ser o mundo do futuro. 

Por outra parte, tamén o 20 de maio, o alumnado de 3º a 6º de educación Primaria asistiu á representación de A maxia dos libros, da compañía O mago errante.

Así mesmo, e para que ningún alumno ou alumna quedase sen a súa representación teatral, o venres, 22 de maio, os pícaros de Infantil e de 1º e 2º de Primaria puideron ver a obra O monstro de cores, da compañía A xanela do maxín. 

Nas nubes	Nas nubes
Nas nubes	Nas nubes

O día 29 de febreiro celebramos no CPI dos Dices un acto de homenaxe á escritora Rosalía de Castro. Para isto, contamos coa presenza do alcalde de Rois, D. Ramón Tojo, e mais co presidente da Fundación Rosalía de Castro, Anxo Angueira. 
No acto, ademais de pronunciaren unhas palabras de homenaxe estes dous persoeiros, tamén houbo un recitado de poemas por parte do alumnado de 1º da ESO. 
Para finalizar o acto, plantouse unha figueira traída expresamente do xardín da Casa-Museo Rosalía de Castro e cantouse o himno galego, interpretado polo coro do CPI dos Dices, e por todo o alumnado e profesorado. 
Foi unha xornada moi emotiva para as nosas letras!

O alumnado de 4º da ESO, xunto co Equipo de Dinamización Lingüística, presenta o TELEXORNAL BEGOÑA CAAMAÑO, unha iniciativa que serve para homenaxear a figura das Letras Galegas do ano 2026. 

O Equipo de Dinamización presenta o adianto do Telexornal Begoña Caamaño

O día 13 de marzo, venres, visitou no noso centro o presidente da Real Academia Galega, Henrique Monteagudo. Veunos falar da obra de Begoña Caamaño, a autora a quen se lle dedica o Día das Letras Galegas 2026. 

A entrevista, que foi feita por dúas alumnas de 4º da ESO, será incluída no Telexornal Begoña Caamaño, unha iniciativa que se leva facendo varios anos no CPI dos Dices. 

O alumnado do Club de Debate, organizado polo Equipo de Dinaminación da lingua galega, participou este xoves, 5 de marzo, na 4ª fase de Debate Alingua, que se celebrou no Campus Tecnolóxico Cortizo. Alí competiron xunto con outros seis equipos dos concellos de Ames e Teo. O CPI dos Dices acadou a segunda posición, o que lle dá a opción a premio e mais a pasar á fase final, xa que conseguiron unha das mellores puntuacións nun segundo posto. 

Moitos parabéns ao noso alumnado!

Podedes ver os vídeos das intervencións clicando na noticia. 

No 1º trimestre, concretamente o día 26 de novembro, entregamos os premios de exposición oral, que este ano conseguiron unha alumna e dous alumnos de 2º da ESO. O relato gañador titulábase "O home no capacho" e foi contado por Marta. Parabéns a todos!

No día de hoxe, 15 de xaneiro, catro alumnas de 3º da ESO e catro alumnos e alumnas de 4º da ESO, asistimos á fase previa do club de Debate ALingua que se celebrou no auditorio municipal de Vilagarcía. 

Nesta primeira fase, o alumnado tivo a oportunidade de coñecer a estrutura dun debate, como organizar as quendas de refutación e outros pequenos consellos que os axudarán á hora de expoñer o seu tema.  

O alumnado de 4º da ESO representou unha pequena versión da obra de Castelao, Os vellos non deben de namorarse. É a nosa pequena homenaxe ao ano Castelao, 2025.