Para introducir a autoavaliación paréceme moi visual e efectiva a idea de utilizar as cores (amarelo, azul à verde). Farío por exemplo para o uso dos verbos modais (vouloir, pouvoir, devoir). Antes xa lles pedía que subliñasen onde usaban eses verbos pero non se eles pensaban que o uso era correcto nin que o fixesen nunha cor concreta. Facío máis para obrigalos a usalos. Ademais, eu antes limitábame a rodear os erros e darlles algunha pista (gramática, ortografía) para que eles o corrixisen e volvesen entregar. Vou cambiar porque esta idea é máis eficaz para ser conscientes do que si saben facer e o que non e, ademáis, ten unha visión máis positiva, non tan centrada nos erros. Outra cousa que cambiarei é traballar con exemplos de textos de todo tipo, ata agora só o facía cun modelo de alta calidade. Facía unha actividade de erros frecuentes pero non traballa un texto enteiro así.
Creo que pode ser ben recibido polo alumnado. Para empezar, non sería un cambio demasiado drástico para eles, habería que insistirles moito no que se pide pero non creo que fose moi problemático. Ademais, seguramente que lles anime máis ver tamén o que fan ben, e non só os erros.
Un desafío sería elixir ben os textos modelo, e estar moi segura de que son anónimos e non identificables polo alumnado porque son moi dados á burla. Tamén pode ser que ao ser moi visibles as cores tamén se fixen no traballo de outros e convertan a maioría dunha cor ou doutra nunha nota. Outra dificultade pode ser ás reaccións negativas á falta de notas numéricas non só por parte do alumnado senón tamén dan familias. Non é a primeira vez que me piden titorías para esixirme notas.