Webs Dinámicas

Co obxectivo de converter a web dos centros en espazos dinámicos nos que poida colaborar e interactuar toda a comunidade escolar xurdiu dende a Subdirección Xeral de Sistemas Informáticos (SIEGA) a iniciativa webs dinámicas.

O CEIP Vales Villamarín colabora activamente neste proxecto.


Características das web´s dinámicas corporativas do proxecto


  1. Aplicacións dinámicas en entorno web, preinstaladas nos servidores da Consellería de Educación.
  2. Software libre
  3. A nivel de usuario non se precisan coñecementos de linguaxes html, php, jsp,...
  4. Permiten definir roles de usuario con diferentes permisos de acceso
  5. Transmisión de ficheiros por http
  6. Cumpren as normas de seguridade dos servidores da Consellería
  7. Permiten e fomentan a participación de toda a comunidade educativa
  8. Existen múltiples posibilidades de estilos e plantillas


Aínda que o proxecto conta con mais funcionalidades que a elaboración de páxinas web polo de agora imos a centrarnos exclusivamente nesta parte do proxecto.


A web do centro


Para a elaboración das páxinas webs dos centros elixiuse o sistema Drupal . Trátase de software libre, con licenza GNU/GPL.

Drupal é un sistema de xestión de contidos (CMS: Content Management System) modular e moi configurable.

O seu deseño faino especialmente idóneo para construír e xestionar comunidades en Internet.

Drupal permite o traballo en equipo de distintos roles de usuarios, cada un cos seus permisos, que poden crear, xestionar, publicar e actualizar contidos.

Crear contidos e tan sinxelo como encher formularios que o usuario pode publicar en menús, seleccionando as opcións de saída.

Última modificación: martes, 19 de xuño de 2018, 10:15 AM