Servidor Abalar

Todos os centros de ámbito público adscritos ao proxecto abalar, dispoñen dun servidor abalar instalado no mesmo. Este servidor atópase administrado de maneira centralizada e desatendida para o centro.

Pero pon a disposición do centro dalgúns servizos que doutra maneira non serían posible,  entre outros cabería destacar:

• Servidor de IPs DHCP
• Servidor de nomes DNS
• Sistema de clonación de equipos
• Aplicación de recursos

No caso do software Epoptes utiliza o servizo de IPs DHCP, xa que é o que prové a cada un dos equipos abalar dunha dirección interna da internet e é por esta configuración que os equipos poden navegar, e neste caso podemos empregar ferramentas en rede, como o uso de cartafoles compartidos, impresoras ou Epoptes.

É importante este servizo xa que foi modificado para que as direccións de cada un dos equipos non cambien ata pasados 30 días, xa que isto supoñería que habería que configurar os equipos dos alumnos todos os días. Desta maneira só debería ser necesario indicar a IP do equipo do docente unha vez, ao comezo do ano académico, facilitando o uso da ferramenta.

As direccións IP son asignadas sempre aos mesmos equipos grazas a que o servidor DHCP dispón dunha listaxe de aluguer de IPs nos que se poden atopar o nome do equipo, a dirección MAC e a IP asociada ao devandito equipo.