Os pasos a seguir son os seguintes:

1.Imprime coa impresora 3D de Polos creativos varios xogos de letras (grandes, pequenas, peza exterior, soporte das letras e caixa da Microbit. Atoparás todas elas no apartado de arquivos auxiliares.

2.Programa a Microbit para que sexa quen de amosar nos seus leds unha das letras da palabra eclipse ao chou.

• A cada número (1-7) asigna unha letra (E, C, L, I, P S, E).
• A Microbit será axitada antes de amosala.
• Programa pausas para unha mellor visualización.
• De ter dificultades podes descargar o programa.

Para programar accede a web https://makecode.microbit.org/, podes desenvolver o código dende cero ou descargar o arquivo coa extensión hex.

3.Dependendo da idade dos minimakers pódense realizar varias actividades acompañando a explicación sinxela de como vai producirse a eclipse total de Sol:

• Amorear as letras grandes ou as pequenas para traballar a psicomotricidade.
• Debuxar e colorear a contorna das letras grandes con ceras, rotuladores ou lápis de cores.
• Debuxar e colorear as letras da peza exterior, explora líneas, curvas, formas, etc.
• Coser as letras pequenas empregando un cordón ou pauciño para traballar a motricidade fina.
• Axitar a Microbit, esta amosará unha letra ao chou da palabra eclipse, colle a letra e colócoa no soporte. Todos os minimakers teñen que pensar combinación de letras da palabra eclipse que poidan formar.
• O alumnado de maior idade pode proporcionar pistas para conseguir formar o maior número de palabras. 
• Pódense inventar palabrar e darlles un sentido.
• Nun paso máis alá tapa os ollos dos minimakers cun pano escuro ou anteface para recoñecer a letra e o alfabeto Braille ao tacto.