O vindeiro xoves 14 de maio abrirá o prazo de prematrícula nas PAU 2026, ata o luns 18. Máis info no pdf adxunto.

A recente asistencia do alumnado de Formación Profesional a FP Innova supón moito máis ca unha simple visita educativa: representa unha inmersión directa no presente e no futuro da innovación aplicada ao ámbito profesional.

Se no mes de febreiro A Guarda recibiu estudantes turcos e macedonios e a semana anterior a daneses, esta semana tócalle aos italianos. O programa Erasmus+ regresa e suma, pero o que realmente regresa é algo moito máis importante: as ganas de compartir cultura e afianzar as amizades xeradas en Italia e Dinamarca.

O IES A Sangriña volve poñer de manifesto, un ano máis, o seu compromiso coa innovación e co espírito emprendedor. Este mércores, o centro foi recoñecido como un dos tres mellores de Galicia na categoría de innovación do concurso “Emprender es Soñar”, no que participaron máis de 1000 alumnos de toda a comunidade e 21 empresas socias de AGEF.

O noso centro informa de que foi publicada a Resolución do 28 de abril de 2026, da Dirección Xeral de Ordenación e Innovación Educativa, pola que se convoca a selección de centros e alumnado para participar no programa EduMob de intercambio escolar.