Se no mes de febreiro A Guarda recibiu estudantes turcos e macedonios e a semana anterior a daneses, esta semana tócalle aos italianos.
O programa Erasmus+ regresa e suma, pero o que realmente regresa é algo moito máis importante: as ganas de compartir cultura e afianzar as amizades xeradas en Italia e Dinamarca.
Durante estes días, o alumnado non só intercambia palabras, senón tamén costumes, risas, formas de ver o mundo e ata receitas improvisadas na cociña das familias de acollida.
Estes encontros demostran que a educación non ten fronteiras. Que aprender non é só memorizar contidos, senón abrir a mente, cuestionar o propio e valorar o alleo.
Porque Erasmus non é só unha viaxe. É unha experiencia das que non se esquecen.
O ano que ven volveremos con novos encontros!
