C.2: O decreto 8-2015

No Decreto aparecen varias referencias ó término mediación:

• A primeira no apartado II do preámbulo, cando referíndose ao plan de convivencia propón que: “ o dito plan de convivencia integrará o principio de igualdade entre mulleres e homes e establecerá, sobre a base dun diagnóstico previo, as necesidades, os obxectivos, as directrices básicas e as actuacións, incluíndo a mediación na xestión dos conflitos, e conterá actuacións preventivas, reeducadoras e correctoras”.

• No artigo 6.e,  indica que a comisión de convivencia propoña, de ser o caso, á persoa titular da dirección do centro ás persoas que poidan formar parte do equipo de mediación”.

• No artigo 8.b,  indicase que o equipo directivo debe:

1. 1.   “ Garantir o exercicio da mediación, a imposición de medidas correctoras e o desenvolvemento dos procesos e procedementos que se establecen neste decreto”.
   2.   “ Promover o exercicio da mediación que se leve a cabo no centro”.

• No artigo 11, 2. establece que: “ O proxecto educativo de cada centro docente incluirá un plan de convivencia que recolla e desenvolva os fins e principios establecidos no artigo 3 da Lei 4/2011 e os regulados nas leis orgánicas sobre a materia. O dito plan de convivencia integrará o principio de igualdade entre mulleres e homes e establecerá, sobre a base dun diagnóstico previo, as necesidades, os obxectivos, as directrices básicas de convivencia e actuacións, incluíndo a mediación na xestión dos conflitos, e conterá actuacións preventivas, reeducadoras e correctoras”.

• No artigo 12,f, referente aos obxectivos xerais do plan de convivencia proponse : “Facilitar a conciliación ou a mediación para a resolución pacífica dos conflitos.

• Así mesmo no art. 15.4, propón: “ Medidas que se poden aplicar no centro para prever, detectar, mediar e resolver os conflitos que poidan xurdir, entre as cales se incluirán os compromisos de convivencia, as actuacións preventivas e que contribúan á detección da conflitividade e a conciliación ou mediación na resolución dos conflitos que puidesen xurdir, de conformidade co establecido neste decreto.

• No decreto, aparece un artigo específico dedicado á mediación escolar (art.26). Nel faise unha definición da mesma e recoméndase que no plan de convivencia se inclúan as directrices para a creación dos equipos de mediación escolar. Destacase a mediación como estratexias preventiva, resolutiva e reparadora.

• Finalmente, no apartado orientado a regular o inicio do procedemento de corrección das condutas problemáticas indícase que:

 “A dirección do centro educativo deberá encomendar a instrución dos procedementos correctores ao profesorado que teña un bo coñecemento do centro e da súa comunidade educativa e, a ser posible, que teña experiencia ou formación en convivencia escolar, mediación e resolución de conflitos no ámbito escolar. En todo caso, corresponderá aos centros educativos concretar nas normas de organización e funcionamento do centro os criterios polos que se realizará a dita designación (art. 47.4).

    En resumo, a mediación proponse na normativa galega como un bo método para a resolución constructiva e pacífica dos conflitos. O cal non supón que substitúa ao conxunto de normas e outras medidas que elabore o centro escolar e que estarán recollidas no Plan de Convivencia.