REQUISITOS DOS ASPIRANTES
1. Ter cumpridos os dezaoito anos o día anterior á data de realización da proba.
2. Non estaren en posesión do título de graduado en educación secundaria.
3. Non estaren nin teren estado matriculados no curso nas ensinanzas de educación secundaria ordinaria nin nas de formación profesional básica.
4. O alumnado matriculado durante o curso na educación secundaria para persoas adultas poderá inscribirse nas probas se previamente renuncia á avaliación extraordinaria do 1º cuadrimestre e solicita a baixa nas ensinanzas do segundo cuadrimestre.
DOCUMENTACIÓN NECESARIA PARA REALIZAR A MATRÍCULA:
• Solicitude de matrícula.
• Fotocopia do DNI, NIE, Pasaporte...
• Copia cotexada, se procede, do certificado dos ámbitos da proba superados en anteriores convocatorias ou a certificación académica de ámbitos ou materias superados, de acordo coas especificacións establecidas nos números 3,e 4 da epígrafe décimo terceira da resolución.
• Acreditación de prodecer doutra comunidade autónoma ou dun país estranxeiro (certificado de empadroamento), no caso de que se solicite a exención de lingua galega.
• No caso de solicitar adaptación para as probas: certificación do ditame de discapacidade, cando esta fose recoñecida por outra Administración distinta da Xunta de Galicia.
PERÍODO DE MATRÍCULA
• Os prazos de matrícula e as datas dos exames dependen da convocatoria que cada ano se publica no DOG.
