Avaliación
A avaliación de cada ámbito será continua, polo que estará integrada no proceso educativo de todo o curso e o profesorado non baseará a cualificación final nunha proba única. As faltas reiteradas ás actividades de formación son motivo de perda do dereito de avaliación continua nos seguintes casos:
- Nun ámbito, cando o número de faltas de asistencia sen xustificar a un determinado ámbito supere o 10% do horario establecido.
- En todos os ámbitos, cando o número de faltas de asistencia sen xustificar supere o 30% do horario establecido para todos os ámbitos, áreas ou materias.
(ver Normas de Convivencia)
Para o alumnado que ó remate do curso no obteña a avaliación positiva, o Centro establece de forma oficial un calendario de probas finais de recuperación globais, na segunda quincena de xaneiro, para o primeiro cuadrimestre e na primeira quincena de xuño, para o segundo cuadrimeste (ver Exámes a continuación).
O alumnado que tras a avaliación final ordinaria teña algún ámbito avaliado negativamente e sen promover, poderá presentarse para realizar a avaliación extraordinaria en maio, para o lº Cuadrimestre, e no mes de setembro, para o 2° Cuadrimestre.
En todo caso, o alumnado non pode ser avaliado dun ámbito sen ter aprobado ese mesmo ámbito no módulo inferior.
Criterios de Promoción
- O alunado que cursa durante o primeiro cuadrimestre os módulos 1 ou 3 promocionará ao módulo seguinte (2 ou 4) se ten todos os ámbitos aprobados.
- O alunado que curse durante o primeiro cuadrimestre os módulos 1 ou 3 e non sexa promovido en algún dos ámbitos ao módulo seguinte deberá asistir durante o segundo cuadrimestre ás clases de recuperación ou repaso establecidas no centro para cada ámbito de coñecimento. O alunado será avaliado destes módulos na avaliación extraordinaria de abril/maio.
- Aqueles alunos/as que teñan un ou dou ámbitos pendentes de módulos inferiores poderán asistir a todas as clases do módulo superior (2 ou 4) no segundo cuadrimestre, figurando como provisionais neses ámbitos do módulo superior, sempre que cumprir ademais as seguintes condicións:
- Que o motivo de non superar os ámbitos non sexa falta de interese: exames en branco, non realización de actividades propostas polo profesorado, faltas inxustificadas.
Que mostren unha actitude positiva.
No caso de que o resultado da avaliación na convocatoria extraordinaria de abril/maio fose positiva nos ámbitos pendentes, o aluno/a formalizará nesas datas a súa matrícula dos ámbitos do módulo correspondente (2 ou 4) e poderá ser avaliado destes en xuño, sempre que teña asistido con regularidade ás clases correspondentes.
Non poderán matricularse nen asistir ás clases do módulo superior no segundo cuadrimestre aqueles alunos/as que teñan pendentes todos os ámbitos, debendo asistir ás clases recuperación para poder ser avaliados do módulo suspenso na convocatoria extraordinaria de abril/maio. Aínda que nesta convocatoria superasen todos os ámbitos, xa non poderán matricularse nos do módulo superior para seren avaliados en xuño.
