Propiedades do proxecto

Ao crear un recurso desde cero en eXeLearning, a primeira pantalla que aparece corresponde á lapela Metadatos. Nela recóllese a información básica que identifica o recurso e facilita a súa organización, publicación e reutilización posterior.

É importante configurar ben o idioma do recurso porque esta propiedade determina algúns dos textos que engade por defecto eXeLearning.

Para ver de o panel de propiedades durante a edición dun REA pódese utilizar a opción do menú Ficheiro ou premer na icona de Propiedades do proxecto.

Captura do editor de eXeLearning que amosa o acceso ao panel de propiedades do proxecto desde o menú Ficheiro — *Menú Ficheiro do editor de eXeLearning*

Captura do editor de eXeLearning que amosa a icona para activar o panel de propiedades do proxecto — *Icona para amosar o panel de propiedades do proxecto*

Opcións de exportación

A lapela Opcións de exportación permite configurar algunhas características que se aplicarán ao recurso na exportación.

Desde aquí podemos activar ou desactivar funcións relacionadas coa edición posterior, a navegación, a accesibilidade ou a visualización de determinados contidos.

Opción	Descrición
Exportación editable	Permite que o recurso exportado conserve a posibilidade de ser editado posteriormente. É útil cando queremos facilitar a reutilización ou adaptación do material. Esta opción mantense por compatibilidade con versións anteriores de eXeLearning. Nas versións recentes todas as exportacións son editables.
Contador de páxinas	Mostra unha numeración ou contador que axuda a identificar o avance dentro do recurso. Pode resultar útil en materiais con varias páxinas ou seccións.
Barra de accesibilidade	Engade unha barra con opcións que facilitan a adaptación visual do contido, mellorando a experiencia de uso para distintas necesidades do alumnado.
Enlace “Feito con eXeLearning”	Permite mostrar ou ocultar o enlace que identifica que o recurso foi creado con eXeLearning.
Buscador	Engade un botóns de procura dentro dentro do recurso cando se exporta como sitio web. Facilita localizar palabras ou contidos concretos en proxectos extensos.
Incluír MathJax	Activa o soporte para mostrar correctamente fórmulas e funcións matemáticas avanzadas. Para uso básico de LaTeX non é preciso marcar esta opción.
Tipografía global	Permite seleccionar a fonte xeral que se aplicará ao conxunto do recurso, mantendo unha aparencia visual coherente en todas as súas páxinas.