O club de lectura “As mesmas palabras” organiza este venres 29 de maio unha nova actividade aberta a toda a comunidade educativa do CIFP Leixa baixo o título “Cadernos compartidos”.
A proposta desenvolverase na biblioteca do centro entre as 11.30 e as 15.00 horas e busca crear un espazo tranquilo e creativo onde alumnado, profesorado e persoal do centro poidan elaborar o seu propio diario persoal ou caderno creativo.
Cada participante deberá traer unha libreta ou caderno e os materiais que queira utilizar: fotografías, entradas, mapas, recortes, frases, rotuladores, pinturas, pegamento, pegatinas ou outros elementos para crear o seu collage ou diario persoal. A biblioteca e o club de lectura facilitarán tamén materiais de uso compartido.
Como parte da actividade, cada persoa participante achegará ademais un libro para compartir no espazo de intercambio lector do Leixa, acompañado dunha pequena recomendación lectora. Os exemplares serán rexistrados no sistema de autopréstamo do club “As mesmas palabras”, contribuíndo así a ampliar e dinamizar o intercambio de libros no centro.
Comentarios