Proceso

Para a realización das tarefas seguiredes, por orde, os seguintes pasos:

1. Formaredes grupos de  catro membros e repartirédesvos por parellas para realizar os seguintes traballos de investigación:
   
   
   • Biólogos ou biólogas.
   • Médicos ou médicas.
     
     
2. Unha vez asiganados os vosos traballos, realizaredes a pescuda de información por parellas seguindo as instrucións dadas a cada profesión.
   
   
3. Cando teñades completado o esquema/guión do traballo, xuntarédesvos en grupo para traballar como "Editores" dunha imprenta para elaborar os dous folletos informativos en formato dixital. O folleto e o díptico podédelo editar cun editor de texto en liña tipo Google docs, así facilitaravos a súa exposición á clase.
   
   
4. Por último, cada grupo exporá os seus traballos ao resto da clase. Para elo, previamente, temos que colocar os documentos en internet cunha das opcións seguintes:
   
   
   • En Google docs.
   • En calamèo ou Issu. Se fixemos o traballo cun editor de textos no noso ordenador.
   • Na aula virtual do centro. O titor nos dirá a que curso o subiremos.
     
     
5. Como actividade final faremos, entre todos os membros de clase, a escolla do mellor traballo para ser publicado e repartido a toda a comunidade educativa o Día Mundial da Saúde.
   
   O resto de traballos, que teñan unha valoración positiva, serán publicados na web e nos blogs de biblioteca e aula.

Instrucións para os equipos de investigación

• Biólogos e biólogas
  
  Vós encargarédesvos de pescudar sobre o virus do Ébola, atendendo especialmente aos seguintes puntos: Síntomas; Paises de risco; diagnóstico; como se trasmite a enfermidade; como se trata...  As seguintes ligazóns teñen suficiente información para elaborar o díptico informativo:
  
  
  • Ébola: que debemos saber. Folleto informativo do Sergas. (pdf).
  • Algunhas cuestións sobre o Ëbola. Texto do Sergas. (pdf).
  • Que é o Ébola. Web do Ministerio de Sanidade.
  • Ficha orientativa para a recollida de datos:
       
    
    

• Médicos e médicas
  
  Os médicos e médicas seredes os responsables de buscar información para elaborar un folleto informativo con pautas sinxelas e claras de como cuidar a nosa saúde que titularedes "Aprende a cuidarte". O folleto tratará os seguintes temas: Alimentación; descanso; exercicio; drogas; hixiene e enfermidades. Nas seguintes ligazóns atoparedes a información necesaria:  
  
  
• Aprende a cuidarte.
• Ficha modelo para a recollida de datos:
     
  
  
• Editores
  
  Unha vez recollida a información necesaria para elaborar o traballo, xuntarédesvos todos os membros do grupo e actuaredes como editores. Para a elaboración do díptico sobre o "Ébola" e do folleto de "Aprende a cuidarte" debedes empregar un editor de textos, atendendo ás instrucións dadas nas seguintes ligazóns:
  
  
  • Instrucións para elaborar o díptico sobre o Ébola e o folleto "Aprende a cuidarte".
    
    
  • Modelos para elaborar o díptico do virus do Ébola:
       
  • Modelos para elaborar o folleto "Aprende a cuidarte":